ANG PARADOX O DAW NAGKASUMPAKI… ATONG PADAYUNON

Hangtud niining puntoha, ubay-ubay na nga oras nga atong nagahin sa pagsulay sa pagsabot sa kinabuhi ni Jesu-Kristo. Sa mi-agi nga leksyon, atong gipangitaan ug paagi ang duha ka bahin ni Jesus (Diyos ug Tawo) nga nasigo sa usa ka indibidwal nga atong gihulagway nga sama ka nato sa tanang paagi ug bisan pa niana siya nagpabilin gihapon nga sama sa Diyos sa tanang paagi. Ang tubag nga among gisugyot mao ang iyang pagkatawo. Bisan si Jesus kanunay nagatubang sa iyang kalibutanon nga kaagi isip usa ka ordinaryo nga tawo, siya wala pud mihonung sa kung kinsa siya-Diyos! Busa, unsa man ang gipasabot niining tanan sa yano nga pagkasulti? Si Jesus, Ang Diyos nga nagbuhat sa kalibutan, gipakaubos ang iyang posisyon sa langit ug mipuyo sa iyang kinabuhi sa kalibutan isip usa ka ordinaryo nga tawo. Ato pong hinumduman nga kini iyang gibuhat para matuman ang pipila ka butang--ang tanan DILI mahimo posible gawas kung si Jesus gihimong sama kanato sa tanang paagi! Ang pagka-sama kanato sa tanang paagi nanginahanlan ug pagpasabot sa mga butang nga nahitabo nga nahisulat sa kinabuhi ni Jesus.

GIUNSA NI JESUS PAGKAHIMONG “SAMA KA NATO” UG MAKAHIMO ug MGA MILAGRO?

Aron mahulagway nato si Jesus isip sama kanato sa tanang paagi, kinahalan nga siya magkinabuhi sama sa kusug sa ka ordinaryo nga tawo nga ato pung makita sa usag-usa kada-adlaw. Apan, sa dihang atong tan-awon ang mga nahisulat sa kinabuhi ni Jesus, dili jud nimo malikayan nga daghan siya ug mga butang nga gibuhat lahi kaayo sa mga ordinaryo nga abilidad sa usa ka tawo. Kung siya sama kanato sa tanang paagi, busa unsaon man nimo pagpasabot o pag-esplikar ang mga milagro nga iyang gipangbuhat? Kada oras kung ganahan siya, si Jesus maka lakaw sa tubig, maka buhi ug patay, ug maka-ayo ug masakiton. Kining mga butanga nga dili mabuhat sa usa ka ordinaryo nga tawo, apan sayon para sa Diyos. Dili ba ang mga milagro moa ang nagpamatoud nga si Jesus usa ka Diyos? Daghang magtutudlo ang mi-uyon ani nga punto sa wala pagduha-duha ug labi na karon, ug sa kamatuoran, sila nagtudlo nga “ang milagro mao ang nagpamatuod nga si Jesus usa ka Diyos!” Ang ilang rason kay sukad pa kaniadto ang Diyos lamang ang makahimo ug mga milagro, ug si Jesus makabuhat ug milagro, busa siya usa JUD ka Diyos!

Kung dili palang tinuod ang kamatuoran nga gipangsulat sa Bag-ong kasabotan (New Testament) nga maoy atong gitunan sa mga niaging leksyon nga naghatag ug pagtagad sa kang Jesus isip sama kanato sa tanang paagi, kini nga ideya dali ra kaayo dawaton. Apan, ang kamatuoran sa atong mga pagtuon kaniadto nagsaysay nga si Jesus sama kanato sa tanang paagi nga naghatag kanato ug pagduda sa kining moderno nga pagtulonan kung kini usa lamang ka posibli nga tubag nga mabuhat sa usa ka tawo mahitungod sa abilidad ni Jesus nga makabuhat ug mga milagro. Ang kamatuoran mga si Jesus makabuhat ug milagro nagpamatuod ba nga iya kadtong gibuhat tugod kay siya usa ka Diyos? Kung si Jesus nagbuhat sa disisyon nga ipakubos ang iyang kaugalingon o pagwagtang sa IYANG KAUGALINGON nga gahum, unya siya minaug sa kalibutan ug nagkinabuhi isip usa ka tawo, kini nagpasabot ba nga si Jesus dili na maka buhat ug mga milagro? Kini usa ka nindot nga pangutana nga huna-hunaon.

Samtang atong gikonsiderar kini nga pangutana, kinahanglan nato hunahunaon ug maayo labi na sa kini nga butang. Atong ikonsiderar ang laing pangutana. Adona bay sitwasyon sa Biblia nga naghisgot sa usa ka ordinaryo nga tawo nga nakabuhat ug milagro? Oo, adonay pipila ka parti sa Biblia nga naghisgot niini. Adonay bahin sa Biblia nga naghisgot mahitungod kang Moses, Elijah, ug uban pang mga propeta sa Daang kasabotan. Sa Bag-ong Kasabotan naghisgot pud sa mga tawo sama ni Pedro, Pablo, ug uban pang mga Kristiyano. Sila tanan kay mga ordinaryo nga tawo nga naka-angkon ug mga espesyal nga gahom nga wala maggikan sa ilang kaugalingon. Silang tanan “sama kanato pud sa tanang paagi”, apan sila pud makabuhat ug mga milagro. Sa pagkatinuod kining mga tawhana nakabuhat ug milagro nagpasabot nga sila pud usa ka Diyos? Siyempre dili! Kining mga tawhana nakabuhat niini tungod kay gihatagan sila sa Diyos ug gahum nga angayan para kanila.

Samtang naghuna-huna ka niini, mag-imbistigar kita pinaagi sa pagpangita sa mga bersikulo nga naghisgot sa mga gipangbuhat ni Jesus samtang buhi pasiya sa kalibutan ug tan-awon kung unsa ang atong madiskobrihan nga makatabang sa pagpasbot kanato sa kini nga sitwasyon nga lisod.

PALIHUG SA PAGHUNONG DIRI UG TRABAHUA ANG ASSIGNMENT WORKSHEET para aning leksyona. Inig kahuman s pagtuon sa mga lista sa kining basahon pwede na mopadayun.

Ang mga bersiskolo ani nga Worksheet masigu sa duha ka kategoriya. Ang unang kategoriya gilangkoban sa mga bersikulo diin si Jesus nagsulti mahitungod sa iyang kaugalingon. Ang unang bahin ani naglakip sa mga bersikulo diin si Jesus nasulti, sa kinatibuk-an nga paagi, mahitungod sa iyang trabaho ug relasyon sa Diyos Amahan.

ANG GISULTI NI JESUS MAHITUNGOD SA IYANG KAUGALING

Magsugod kita sa atong lista sa Juan 5:36, diin si Jesus nagsaysay nga ang tanan nga iyang gipangbuhat kay usa ka sugo naggikan sa Diyos Amahan. Kani dali ra kaayo sabton. Si Jesus nakadawat sa tanang niyang panudlo gikan sa Diyos Amahan.

Sunod, kay ang Juan 10:18, diin si Jesus nagsaysay sa paghatag iyang kinabuhi. Iya pud gisaysay nga siya ra mismo ang naghatag ug kinabuhi. Apan, kung nakabantay ka sa kinaulahi nga nga bahin sa iyang gisaysay nga nagsulti nga ang Diyos Amahan mao ang naghatag sa sugo kaniya. Samakausa, atong makita nga ang Diyos Amahan mao ang nagpaluyo sa tanan trabaho ni Jesus.

Sa Juan 14:13, klaro kaayo ang gisulti ni Jesus sa dihang misulti siya nga ggihiguma niya ang Amahan ug buhaton niya kung unsa jud ang gisugo sa Amahan kaniya.

Sunod sa atong lista mao ang Juan 15:10, diin si Jesus naghulagway sa gugma nga uyos sa pagkamatinumanon. Iyang gitudlo nga siya nagtuman sa sugo sa Amahan ug kita pud kinahanglan motuman sa iyang sugo. Si Jesus wala nagtrabaho pina-agi sa iyang kaugalingong awtoridad. siya hingpit nga misugot sa pagtuman sa kabubut-on sa iyang amahan.

Tanan nga atong gibasa sa taas uyon kaayo sa atong nakatonan mahitungod ni Jesus sa Filipos 2. Hinomdumi nga mao ni ang bersikulo nga nagpatin-aw, kung unsa ni Jesus sa pagpakaubos sa iyang kaugalingon ug nahimong matinumanon sa Amahan, bisan pa ug tungod sa iyang pagtuman siya namatay ug gilangsang sa krus! Tungod sa iyang pagkamatinumanon siya gibutang sa Amahan sa pinaka taas nga posisyon!

Ang sunod nga bahin sa worksheet naghisgot sa mga pagtulon-an nga gihatag ni Jesus. Sa makausa, ato silang ibutang sa katibuan nga kahulogan ug tanawon kung unsa ang ilang ikasulti.

Sa Juan 7:16, si Jesus klaro kaayo nga nagsaysay nga ang iyang pagtulon-an nga gipangtudlo sa mga tawo wala maggikan sa iyang kaugalingon. Tanan nga iyang gipangtudlo gikan sa Diyos Amahan.

Sa sama nga ideya nga imong mabasa sa Juan 8:26-28. Si Jesus nagsulti nga ang mga butang nga iyang gisulti sa kalibutan naggikan sa Amahan.

Tingali kini ang usa mas labing maayo ug mas klaro nga pagkasaysay nga mabasa Jaun 12:49-50. Si Jesus nagpasabot nga siya nagsulti ra kung unsa ang gisugo sa Amahan nga ipasulti. Siya nipadayon sa pagsulti nga ang tanan nga iyang nadawat ug gipangtudlo mao ang basihan sa Paghukom sa mga ulahing mga adlaw!

Usa ka lain nga klaro nga bersikulo sa Juan 14:10. Ang intrisado nga tumong niini kay ang mga gipangtudlo ni si Jesus mao ang gustong nga ipatuldo sa Amahan pina-agi kaniya. Ang Amahan naguban kaniya ug nagtrabo pina-agi kaniya.

ANG GISULTI SA UBAN MAHITUNGOD KANG JESUS

Ang sunod nga kategoriya sa mga bersikulo sa atong worksheet mao ang gipangsulti sa uban sa pagpasabot sa mga butang nga gipangtudlo ni Jesus ug ang iyang trabaho. Ang unang duha ka bersikulo mga makita sa atong makita sa atong lista mao ang gisulti ni Apostol Pedro. Siya ang usa sa mga saksi sa kinabuhi ug trabaho ni Jesus ug mas naka-ila niya si Jesus labaw pa sa kadaghanan sa mga tawo.

Unang bersikulo mao ang Buhat 10:37-38. Ang kinatibuk-an nga panghitabo niining bersikuloha importanti kaayo. Si Pedro nagsangyaw sa balay sa usa ka Hentil (Dili usa ka Hudiyo) nga gustong mahimo nga Kristiyano nga usa ka sundalo sa Roma nga gipanganlan ug Cornelius. Siya nagsaysay sa istory mahitungod kang Jesus ngadto kang Cornelius ug sa tanang tawo nga nagpuyo niadtong balaya. Sa iyang paghulagway kang Jesus, Si Pedro nagingon nga si Jesus gihatagan sa balaang espiritu ug gilibot niya ang nagkalain-lain nga lugar nga nagbuhat ug mga milagro kay ang Diyos uban kaniya! Ang punto nga si Jesus maka buhat ug milagro kay ang Diyos uban kaniya. Sayon ra kaayo para kang Pedro sa pagsulti kanila nga si Jesus miadto ug nagbuhat ug mga milagro tungod kay siya usa ka Diyos, pero dili man kini ang iyang gisulti. Iyang gihatagan ug gibug-aton ang pagka-Tawo ni Jesus!

Lain pa nga importanti nga bersikulo nga mabasa sa Buhat 2:22. Sulud niini, Si Pedro nahatag ug pamulong sa panon sa katawhan sa Jerusalem, suman nga si Jesus misaka sa langit. Nagsaysay siya mahitungod sa Diyos Amahan nga nahibalo siya nga ang katawhan mao ang mopatay kang Jesus ug giunsa niya pagkahimo nga usa ka Mesiya. Sa Dihang si Pedro nagsaysay mahitunogd kang Jesus, gihulagway niya nga usa ka tawo nga gi-aprobahan sa Diyos ug iya pud gisaysay ang mga nagpamatuod niini mao ang sinyales ug mga milagro nga gibuhat sa Diyos pina-agi niya! Ang tumong niini kay ang Diyos nagbuhat ug mga milagro pina-agi ni Jesus. Sayon ra kaayo para kang Pedro sa pagsulti sa kadtung mga tawhana nga si Jesus nagbuhat ug mga milagro pina-agi sa iyang kaugalingon nga gahom tungod kay siya usa ka Diyos, apan si Pedro wala mga sulti niana. Hinoon, iya gatagaan ug gibugaton ang iyang pagka-“Tawo” ni Jesus!

Ang pinaka-ulahi, atong ikonsiderar ang nahisulat sa usa sa mga libro nga naghisgot bahin ka Jesus mahitungod sa iyang pag-ayo sa usa ka tawo. Lukas 5:17-26 diin nagsaysay sa kang Jesus sa iyang pag-ayo sa usa ka paralisado nga tawo nga gitunton nila sa lungag sa atop sa lugar kung asa si Jesus nagtudlo. Bantayi ninyo ang iyang gisaysay sa bersikulo 17 nga nagingon sa klaro nga pagkasulti, “... diha kang Jesus ang gahum sa Ginoo sa pag-ayo sa mga masakiton.” Si Jesus nag-ayo niadtong masakiton gamit ang gahom nga gihatag Diyos Amahan!

KATAPUSAN NGA PANGUTANA NGA IKONSIDERAR MAHITUNGOD SA ABILIDAD NI JESUS...

Ang situasyon nga atong gi-atubang kay tinood nga interisado kaayo! Dili baka uyon niini? Sa laing bahin, kita adunay gipangayo nga tawhanon nga abilidad nga atong nabantayan sa mga niagi nga leksyo. Kung kini gibuhat ni Jesus pina-agi sa iyang kaugalingon nga Diyosnong gahom busa dili posibli nga siya mahulag way isip usa ka tawo nga sama kanato sa tanang paagi! Sa laing bahin, aduna kanato ang daw pagkasumpaki sa kamatuoran nga si Jesus nanagbuhat ug daghan nga mga milagro; mga butang nga dili mabuhat sa usa ka tawo apan mabuhat sa Diyos! Kita karon adunay bag-ong testimonyo niini nga leksyon, diin klaro nga nagpakita nga si Jesus wala nagbuhat niadong mga nindo nga katingalahan pina-agi sa iyang kuagalingon nga gahom. Hinoon, atong nasayran nga iyang gibuhat katong tanan nga mga milagro sa gahum nga naggikan sa Diyos Amahan. Sa pagkatinuod, gisaysay didto nga ang Diyos mismo ang nagbuhat sa maong butang pina-agi kang Jesus. Ang Diyos nagbuhat atong mga katingalahan nga butang sa pagpakita sa katawhan nga si Jesus usa ka pinili sa Diyos, ug Jesus ang iyang anak!

Sa sinugdanan aning leksyon, kita nangotana. “Adona bay sitwasyon sa Biblia nga naghisgot sa usa ka ordinaryo nga tawo nga nakabuhat ug milagro?” Sa kadtong panahona, gitudlo nga sulod sa Biblia adunay pipila ka ehemplo sa mga odernaryo nga tawo nga nagbuhat ug mga milagro, nga sama sa gibuhat ni Jesus. Kabalo kita nga kadtong mga tawhana dili maka buhat atong mga butang pina-agi sa ilang kaugalingon nga abilidad tungod kay ang katawhan wala naka angkon sa gikinahanglan nga gahum sa pagbuhat niadtong mga butanga. Kadtong mga tawhana naka buhat sa mga milagroso nga mga butang tungod kay ang Diyos uban kanila. Ang Diyos nagbuhat niadtong mga butanga pina-agi kanila! Gibuhat sa Diyos kadtong mga butang pina-agi kanila aron sa pagpamatuod sa ubang tawo nga ang Diyos uban niing tawhana ug sila gi-aproban sa Diyos.(Para sa dugang nga ebidensya sa tumong niini, palihug sa pagbasa sa Hebrohanon 2:1-4. Batayi nga ang gamit sa mga milagrong trabaho sa Diyos kay gigamit niya kini alang sa katuyoan sa pagpamatuod sa katawhan.) Kini daw mao ra gihapon sama sa mga milagro ni Jesus. Sa atong nakatunan sa mga niaging pagtuon, si Jesus gipakaubos ang iyang posisyon sa langit ug mipuyo sa iyang kinabuhi sa kalibutan isip usa ka ordinaryo nga tawo. ang bugtong rason nga si Jesus makabuhat ug mga milagro kay ang Diyos gibuhat kadtong mga butanga pina-agi kaniya, sama sa giunsa sa Diyos pagbuhat ug milagro pina-agi sa ubang tawo sama nila Moses, Elijah, Pedro, Pablo, ug uban pang mga tawo. Kini nga pagpasabot nagtugot kang Jesus nga mahimong sama kanato sa tanang paagi ug makabuhat ug maanidot nga katingalahan nga iyang gibuhat.

Ug mahitungod sa tanan nga espesyal nga kaalam nga anaa ni Jesus? “Adona bay sitwasyon sa Biblia nga naghisgot sa usa ka ordinaryo nga tawo nga atong nailhan nga adunay milagroso nga kaalam nga naggikan sa Diyos?” Sa mga unang leksyon nato, nagtuon kita sa mga daghan nga tawo sa nagkalain-lain nga panahon ug lugar nga gihatagan ug milagroso nga kaalam gikan sa Diyos. Mao kana ang paagi nga ang Biblia miabot kanato! (hinumdomi 2 Pedro 1:20-21)

Hinumdomi nga si Jesus MISMO siya nagpadayon sa pagsulti niini matag karon ug unya nga ang iyang gipangtudlo WALA maggikan kaniya apan naggikan sa Diyos Amahan! Busa, ang espesyal nga kaalam ni Jesus iyang gipadaplin sa dihang “gipakaubos niya ang iyang kaugalingon” ug gipulihan niya hinoon sa kaalam nga gipili sa Diyos Amahan nga ihatag kaniya, sa sama nga paagi sa kung giunsa sa Diyos pagpili sa kung kinsa ang hatagan sa espesyal nga kaalam ngadto sa tanan nga lain pa nga ordinaryo nga tawo nga alagad sa kaniya sa wala pa ug pagkahuman ni Jesus!

MAHIMO BA NGA SI JESUS WALAY SALA UG SA GIHAPON “SAMA KANATO SA TANANG PAAGI”?

Gawas sa mga milagro nga gihimo ni Jesus, laing importante nga kalainan nga atong makita kang Jesus ug sa ordinaryo nga tawo kay ang iyang kinabuhi nga walay sala.Giunsa man ni Jesus pagka sama kanato ug nagpabilin nga walay sala? Human niining tanan... “Dili ba ang Biblia nag-ingon nga imposible para sa tawo nga mabuhi nga dili maka buhat ug bisag usa lang ka sala?” Daghang tawo ang naglibog niini nga butanga. Kung si Jesus sama kanato sa tanang paagi busa siya pud maka sala sama kanato, dili bah? Busa kung si Jesus walay sala, ug kung ang tanan tawo naka buhat ug sala, busa ang bugtong paagi nga si Jesus makapabilin nga walay sala kay kung iya kadtong gibuhat isip usa ka Diyos. Kini mao ang rason sa kadaghanan mahitungod sa kinabuhi ni Jesus nga walay sala. Apan, sakto ba kini nga paagi sa pagpasabot sa sitwasyon? Posible ba para ka Jesus nga mabuhi nga walay sala isip usa ka tawo nga sama kanato sa tang paagi? Ato king imbestigaran ug tanawon nato kung unsa atong mahikaplagan.

“KAY ANG TANAN NGA MGA TAWO NAGPAKASALA UG DILI TAKOS SA ATUBANGAN SA DIYOS”

Daghang tawo nga nagtuo nga si Jesus walay sala tungod kay siya usa ka Diyos. Dugang pa niini, ang mga tawo nga relihiyoso ang hunahuna kay gipasabot na nga walay tawo mabuhi nga wala sala. Roma 3:23 mao ang pinakailado nga bersikulo nga nagpamatuod nga kini tinuod. Ang husto nga panabot niini nga gigamit sa kadaghanan sama sa mga sumosunod;

Ang atong nahibaloan		KUNG – TANAN tawo naka sala, ug dili takos sa atubangan sa Diyos. (Roma 3:23)
Ang atong nabantayan		UG KUNG – si Jesus walay sala,
Ang atong Konklusyon		BUSA – si Jesus walay sala tungod kay siya usa ka Diyos!

Apan, bantayi ug pag-ayo imong makita nga dili sakto ang paagi sa paggamit sa pagpanabot sa sitwasyon. Ang husto nga pagpanabot kay ang sumosunod;

Ang atong nahibaloan		KUNG – TANAN tawo naka sala, ug dili takos sa atubangan sa Diyos. (Roma 3:23)
Ang atong nabantayan		UG KUNG – si Jesus walay sala,
Ang atong Konklusyon		BUSA – si Jesus dili usa ka tawo!

Siyempre, dili ni nato madawat nga pagpanabot nga nagingon nga si Jesus dili usa ka tawo tungod kay kini sumpaki kaayo sa matag ebidensya nga atong nakat-unan sa kinabuhi ni Jesus. Busa, kinahanglan nato kini susihon ang iyang kinabuhi nga walay sa paagi nga maslalom ug hinaot nga aduna magpasabot nato niini.

Ang paagi sa pagsabot sa kinabuhi ni Jesus nga walay sala anaa sa pagsabot sa duha nga punto. Una, kinahanglan nato masabtan kung unsa ang paagi sa sala sa kinabuhi sa usa ka tawo. Ikaduha, kinahanglan nato sabton ang kinatibuk-an nga paghitabo sa Roma 3:23.

ANG PAGSABOT SA UNSANG PAAGI NAHITABO ANG SALA...

Magsuod kita sa atong pag-imbestigar sa pagtanaw sa mga importanti nga bersikulo. (Tingali kini mao ang pinaka importanti nga bersikulo sa tiobuok Biblia. (Kini usa ka maayo nga bersikulo nga pagasag-ulohon ug balik-balikon sa pagbasa kada-buntag dayon sa imong pagmata.) kung kini imo mahinomdoman ug buhaton ang gisulti niini, kini mao ang maka luwas sa imong kinabuhi!) Ang parti sa Biblia nga atong pagahisgutan mao ang 1 Corinto 10:13. Ang kinatibuan nga paghitabo ani libro taas kaayo basahon apan dali ra masabtan. Si Apostol Pablo nagsulat ngadto sa usa ka pundok sa mga Kristayano nga nagpuyo sa Griyego nga siyudad sa Corinto. Kini usa ka siyudad nga ginapuy-an ug 500,000 ka tawo ug napuno sa nagkalain-lain nga klase sa imoralidad. Kadaghanan sa mga Kristiyano nga nagpuyo niining lugar nga puno sa kadautan nagpuyo sa kalisud. Kini naghatag kanila naghatag ug kalisud sa ilang pagsalig sa Diyos ug sa pagpuyo sa sakto nga pagtuo sa kinabuhi. Sa atong mabasa sa sinugdanan niini nga libro, imong makita nga adunay panag-away sa usag-usa ug nag-gabuhat sa mga butang nga dili uyon sa kung unsa ang gitudlo sa kabubut-on sa Diyos. Sa mubo nga pagkasulti nalayo siya sa tumong sa kinabuhi sa usa ka Kristiyano ug piligrong malaglag ang ilang mga kalag! Si Pablo nagpadala anih nga sulat, nanghinaot nga mausab ang ilang pagpanabot nga mao ang magahatag ug kausaban sa ilang kinabuhi. (lisod kini siya basahon tungod sa tanang ditalyi nga gisaysay niini mahitungod sa ilang mga pagsulay! lisod dawaton nga ang mga “Kristiyano” nga nagpuyo atoh nga panahon nagkalisud sa mga problima nga gihisgutan niing sulat.)

Ang nag-unang problema aning mga tawhana kay sila wala mahimong usa klase sa katawhan Diyos

Nga mao ang katuyoan sa Diyos. Sa 1 Corinto 10, si Pablo nagsaysay sa usa ka lig-on nga punto. Iyang gipahinomdoman ang mga nagbasa mahitungod sa mga katawhan sa Israel, diin nahimotang sa Karaang kasabotan. Sa usa ka higayon kadtong mga tawhana swerte kaayo. Siya adunay episyal kaayo ang relasyon nga gihatag sa Diyos ug sa wala madugay ilang gitratar siya nga daw dili siya mahinungdanon kanila. Sila nagbuhat sa daghang dautang nga mga butang ug tungod kay gibuhat nila kadtong mga butanga, gitugyan o gibiyaan sila Diyos ug sila nanga-pildi. Si Pablo nagtudlo sa mga nagbasa nga ang katawhansa Israel ug ang ilang kaagi nahisulat aron nga sila (ug apil pud kita niini!) makat-on sa mga ehemplo sa ilang mga kasaypanan.

Dayon makaabot kita sa bersikulo 13, diin siya nagsaysay,

“13 Walay pagsulay nga moabot kaninyo nga wala usab nagaabot sa ubang mga tawo. Apan kasaligan ang Diyos sa iyang saad nga dili niya tugotan nga sulayan kamo labaw sa inyong maantos. Ug kon moabot ang mga pagsulay kaninyo, maghatag siyag pamaagi aron maantos ninyo kini.”

Kini nga bersikulo talagsaon kaayo tungod kay kini nagpakita kanato nga adunay balaod nga nagdumala sa unsang paagi ang tintasyon mudangat sa kinabuhi sa tawo. Kung atong ilista ang mga kamaturan nga gipakita niini, mao kini ang atong makita:

1. Ang pagsulay mga moabot sa tawo maga-abot pud sa uban! Sa lain nga pagka-sulti, wala tawo nga maka-ingon nga ang iyang pagsulay kay lahi sa uban gi-atubang sa ubang tawo.
2. Ang Diyos kasaligan ug dili ka tugotan nga sulayan labaw sa inyong maantos! Kini mao ang tubag sa tibuok nga paghulagway sa tintasyon o pagsulay ug sala. Ang Diyos nagbotang ug limitasyon o kinutoban sa kung asa ra kutob ang pagsulay. Dili niya tugotan nga ang usa ka tawo nga sulayan ug daghan kaayo nga siya mapugos sa pagpaka-sala!
3. Ang Diyos maghatag sa kada tawo ug paagi o lutsanan sa matag pagsulay aron maantos sa usa ka tawo ang pagsulay. Kini nagpasabot nga kung ang Diyos kanunay magtagana ug paagi para maka-lusot sa matag tintasyon o pagsulay, busa walay panahon nga ang tawo mapugos sa pagpak-sala.

Busa, kung ang usa ka tawo makasinati ug tintasyon, unya kana nga tawhana kinahanglan mosabot nga ang Diyos adunay pagsalig nga siya makalahutay niini, tungod kay kung dili niya makaya ang usa ka tintasyon o pagsulay dayon ang Diyos dili motugot nga ikaw sulayan sa ingon niana nga paagi! Hinomdomi nga Diyos kasaligan! Si Pablo nagsulat niini ngadto sa katawhan aron sila matabangan sa pagtan-aw nga sila may tulubagon ilang nga aksyon ug dili kinahanglan nga buhaton tanan nga daotan nga mga butang nga ilang gipangbuhat. Gusto niya nga sila mohunong sa pag-pakasala.

Sa dihang moabot ang tintasyon sa kinbuhi sa usa ka tawo, nanginahanglan nga ang usa ka tawo mo-buhat ug disisyon. Sa atong nakat-unan niini nga bersikulo, nakahibalo kita nga matag pagsulay aduna kitay duha ka pili-anan! Kon ang usa tawo maga-atubang ug pagsulay, kana nga tawo makapili sa pagbuhat ug sakto o kana nga tawo pwede pud makapili sa pagbuhat ug sayup. Hangtod nga ang Diyos magakupot sa iyang saad kanato, walay tawo nga maka sulti nga siya GIPUSGOS sa pagpaka-sala. (Ang saad sa Diyos magabuhat, sa kini nga bersikulo, mohulma sa pundasyon sa atong gitawag nga “gawasnon nga kabubut-on”o kaugalingon nga pagbuot.) Kung ang tawo nagtinguha nga dili maka sala bisag usa lang, dayun naa siya “kaugalingon nga pagbuot” sa pagbuhat niana. Busa, posible nga ang usa ka tawo mabuhi nga dili maka-buhat ug bisag usa ka sala tungod kay ang tawo pwede maka pili sa sakto nga tubag ug mopili sa lutsanan o paagi nga gitagana sa Diyos, dayun dili siya makabuhat ug sala. Ang pagkibuhi nga walay sala kini dili usa ka butang nga “kapabilida”,hinoon, KINI USA PAGHIMO SA DISISYON O PAGPILI SA SAKTO! Kini dili ba usa ka maayo nga regalo nga gihatag sa Diyos kanato? Dili ba malas kaayo nga ang kadaghanan kanato wala makadiskubre niini hangtud sa higayon nga kita naka buhat na sa atong kina-unahang sala. Kung nakabalo lang ta niini sigurado nga lahi jud ang mga paghitabo!

Uban pang mga importanti nga bersikulo nga atong pagatun-an. palihug sa pagbasa sa Santiago 1:13-15. Unsa man ang gitudlo anih nga bersikulo mahitungod sa relasyon sa tintasyon ug sala? Atong nadiskobrihan nga adona diay gisunod nga proseso ang sala. Kini usa ka proseso nga magsugod sayup nga panghuna-huna ug tingoha ug nahitabo kini sa sulod sa ulo sa usa ka tawo. Kani nga paghuna-huna magahatag ug sayop nga pagpili, ug mao ang magdala sa sayup nga mga buhat--nga mao ang SALA! Si Santiago nagtudlo nga sayop nga basolon ang Diyos sa atong mga sala. Kung kita naka sala, kana atong kaugalingon nga sayop. Kita naka-sala tungod kay gipili nato ang sayop sa dihang kita anaa sa pagsulay!

Sa makausa, atong sabton nga ang sala mahitabo isip usa ka resulta kagawasan sa pagpili nga mabuhat sa usa ka tawo. Kung buot niya nga buhaton kanang butanga, dili kinahanglang nga siya magpaka-sala. Siya maka pili sa pagbuhat sa husto nga butang matag tintasyon kada oras! Kana ang iyang gawasnon nga kabubut-on ug katungod.

Asa man ang husto nga tubag niini? Asa man niini ang paagi nga gigahin sa Diyos?

Kini magamit pud ni Jesus. Kung siya sama kanato sa tanang paagi, unya siya pud nagkinabuhi sa samang saad sa Diyos nga iyang gihatag pud sa ubang mga tawo. Walay pagsulay nga moabot kaninyo nga labaw sa inyong maantos ug ang Diyos magahatag siyag pamaagi o lutsanan, sama sa iyang gihatag sa ubang tawo. Sa dihang gitintal si Jesus, siya adunay KINAUGALINGON NGA KAGAWASAN sa pagpili sa kung unsa ang iyang maoyunan. Busa, ang tintasyon ug sala para kang Jesus kay sama pud sa tintasyon ug sala sa ubang tawo. Ang kalainan lang kay ang kadaghanan kanato kasagaran mopili sa sayup nga butang, apan si Jesus kanunay nagpili sa sakto nga butang. Mao kini kung ngano siya maka-sala.

Samtang naghuna-huna ka niini, mobalik kita ug basahon ang Hebreo 4:15. Unsay gisulti niini mahitungod kang Jesus ug ang tintasyon nga gi-atubang? Gipakita niini nga si Jesus gitintal sa tanang paagi sama kanato ug bisan pa niana siya wala maka-sala! Ang pagkosiderar nga siya “sama kanato sa tanang paagi”, ug kabalo kita nga ang 1 Corinto 10:13 mabuhat para sa tanan, atong makita nga kini posebli para kang Jesus nga dili maka-sala nga wala naggamit sa Diyosnon nga gahom!

Busa, ang sakto nga paggamit niining nga klase sa pagpanabot mahitungod sa kinabuhi ni Jesus nga walay sala. Sama siya niini,

Ang atong nahibaloan		KUNG – TANAN tawo maka pili nga di magpaka-sala, (1 Corinto 10:13)
Ang atong nabantayan		UG KUNG – si Jesus “gisulayan sama kanato apan wala maka-sala”, (Hebreo 4:15)
Ang atong Konklusyon		BUSA –si Jesus wala maka-sala TUNGOD KAY IYANG GIPILI “ang lutsanan” nga gihatag sa Diyos kanunay!

Ang pinaka ulahi nga bersikulo nga atong pagatun-an mao ang 1 Pedro 2:21-25. Palihug sa pagbasa ug pag-ayo niini. Unsa ang atong makat-unan niini? Importanti nga imong mabantayan nga ang punto sa nagsulat niini kay mahitungod sa mga tawo nga naka-sala. Kini talagsaon kaayo kay sulod niini naghisgot sa kinabuhi ni Jesus nga walay sala isip usa ka ehemplo para sundon sa mga nagbasa niini! Sa pagkatinoud, ang nahisulat naghisgot mismo nga ang kinabuhing walay sala ni Jesus gibilin niya isip usa ka sumbanan para sundogon sa katawhan! Kung si Jesus dili usa ka tawo, unya unsa man ang gilauman sa nagsulat niini ngadto sa mga tawo nga nagbasa niini nga kini masundog nila ug magbutang sa ilang kinabuhi?

Naghinaot kami nga nasabtan ninyo ang kinabuhi ni Jesus nga walay sala. Siya walay sala dili tungod kay siya usa ka Diyos o naggamit sa Diyosnon nga gahom. Si Jesus wala sala, isip usa katawo, tungod kay kanunay niya gipili ang lutsana o ang paagi nga gitagana sa Diyos sa iyang mga tintasyon. Mabuhat ni natong tanan, kung gustohin nato nga buhaton kini! Kon kita maggahin lamang ug panahon sa paghunahuna sa dili pa kita molihok dayon tingali kita mahimong mas malampuson sa pag likay sa mga sala sa atong kinabuhi!

ANG PAGSABOT SA ROMA 3:23

Ganina, among gisulti nga adunay duha punto mahitungod sa sala nga nanginahanglan ug pagpanabot. Nahuman na nato ang unang bahin niini ug karon mo-adto na kita sa ika-duha nga bahin. Kini usa ka ilado kaayo nga bersikulo nga kasagaran nga gi-gamit sa mga magtutudlo nga nag-ingon nga imposible sa tawo nga mabuhi nga dili maka buhat ug sala; Roma 3:23. Kini usa ka mubo nga pahayag ug kung kini ra ang imong basahon nga walay labot ang tibouk nga gisaysay niining sulata, sayon ra kaayo para nimo nga masayop sa pagsabot niini. Kadaghanan sa mga tawo nagsulti nga kini nga bersikulo mao ang nagsulti nga IMPOSIBLE para sa usa ka tawo nga mabuhi nga walay sala. Apan, mao ba jud nah ang gipasabot niini nga sulat ni Apostol Pablo?

Para masabtan ni nato sa husto nga paagi ug kung unsa ang gipasabot niini kinahanglan nato i-tukod ang tibouk nga kahimtang niini nga sulat, ug kini nga bersikulo dili ingon nga magawas sa atong paagi sa pagtuon. Para ato kining mabuhat, kinahanglan kita mobalik sa sinugdanan sa libro sa Roma ug hinay-hinay sa pagsubay sa kung unsa ang ang gihuna-huna sa kada-bahin sa iyang gisulat. Sa unang kapitulo, human sa iyang mga pamulong ug pangomusta, ang nagsulat (nga si Pablo usa sa mga Apostoles) nagtukod sa usa ka punto giubanan sa iyang gisaysay sa bersikulo 18. (Palihug sa pagbasa niini.) Kini nga pamahayag nagsulti mahitungod sa paghukom sa Diyos nga iyang ipabot sa TANAN dautang binuhatan ug mga tawo nga sukwahi sa iyang kabubut-on. Unya, siya nagsaysay mahitungod sa duha ka nagkalian-lain nga gropu sa mga tawo ug sa unsa nga paagi nga masulod ang tagsa-tagsa kanila sa kung unsa ang iyang gisaysay ganina. Ang una nga grupo nga iyang gihisgotan mao ang mga Hentil1. Si Pablo nagsulti nga sila kay walay ika-pasumangil tungod kay sila nakaila nga adunay Diyos, sila wala mipili kaniya isip ilang gabayan. Hinoon, sila nagbuhat ug ilang kaugalingon nga balaod ug nagbuhat sa mga dautang butang. Busa ang mga Hentil pagasilotan jud sa Diyos tungod sa ilang pagka-gahi ug ulo o dili matinumanon!

Ang sunod nga grupo nga gihisgotan ni Pablo mao ang tawo nga gitawag ug mga Judio2. Kining mga tawhana lahi kaayo sa mga Hentil kay nahibalo sila sa Diyos. Ang ilang mga katigulangan nangayo ug giya sa Diyos ug iyang hatagan sila ug espisyal kaayo nga kasabotan diin mahitabo sa Bukid sa Sinai. Apan, si Pablo nagsaysay nga kining mga tawohana dili mas maayo kaysa sa mga Hentil tungod kay bisan anaa kanila ang giya ug balad sa Diyos, ang mga Judio mipili nga dili mosunod sa iyang mga balaod ug nagbuhat sad sa mga dautang buhat. Busa, sa katapusan ang mga Judio maga-atubang sa silot sa Diyos.

Gikan sa Roma 3:21 hangtod sa 26, usa ka taas nga parti sa atong pagabasahon, Si Pablo nagsulat mahitungod sa kung giunsa pagpakita kanto ang hustisya sa Diyos sa paagi nga nagbuhat sa katawhan nga nagtuo kang Jesus aron maluwas. Ang iyang gibutangan ug gibug-aton mao ang punto sa relasyon sa DUHA ka grupo nga iyang gihisgotan sukad pa sa sinugdanan sa kapitolo 1. Bantayi kung giunsa, sa bersikulo 22, diin siya nagsulti nga “walay pinalabi o walay kalainan” tali sa Judio ug Hentil3. Kini nagpakita nga siya naghisgot gihapon sa duha ka grupo isip parti niini nga bahin.

Kini mao ang mohatod kanato sa pinaka ilado nga bersikulo mao ang Roma 3:23. Klaro kaayo sa tibuok nga paghitabo , Si Pablo nagpadayon gihapon sa pagsaysay sa sama nga grupo sa iyang gihisgotan sa mga nilabay nga bersikulo tungod kay ang pulong nga iyang gigamit mao ang “tungod” o “kay”. Ang punto sa nahisulat nga ang hustisya sa Diyos gipakita ngadto sa (mga Judio ug Hentil) mga mitoo, “tungod kay SILANG tanan naka-sala ug nahilayo sa atubangan sa Diyos!” Walay kalainan! Interisado kaayo nga imong mapangita nga ang nagsulat niini migamit sa pulong nga dili siya malabot sa kung si kinsa ang iyang gihisgotan. Kung atong ikonsedirar ang tibuok nga bahin niini (Kapitolo 1-3), atong nagkit-an nga kini nagsuporta sa atong nakatunan mahitungod sa sala. Gi tudlo ni Pablo niining tanan nga ang duha ka grupo kay dili matarong, TUNGOD KAY, imbis mopili sila sa pagpasidungog ug pag-alagad sa Diyos, (diin nga mabuhat nila unta kini) sila mipili sa pag-alagad sa ilang kaugalingon! Sila TANAN nakasala, dili tungod kay kinahanglan sila makasala, apan tungod kay SILA MIPILI NGA MAGPAKASALA!

Isip usa ka instudyanti, kinahanglan kita nga maghimo ug maampingong pagtimbangtimbang sa kung unsa ang atong gibasa niining tulo nga kapitolo sa Roma. Si Pablo ba naghisgot sa panghitabo nga posibli para sa tawo nga mabuhi nga walay sala, o, siya ba naghisgot ug usa ka panghitabo sa kasaysayan sa disisyon sa katawhan? Ang tibuok nga pagtan-aw niini nag-tudlo sa ikaduha nga tubag. Siya yano nga nagpahiluna sa mubo kaayo nga sumada sa KASAYSAYAN sa ilang mga sayup nga binuhatan sa katawhan mga miresulta sa lisod nga kahimtang sa katawhan tungod sa mga sayup nga pagpili. Kinahanglan kita nga maghuna-huna nga ang mga Hentil PWEDE maka pili sa pagpangita sa Diyos ug ang mga Judio PWEDE maka pili sa pagsunod sa Diyos. Kung mao pato ang ilang gibuhat, lahi unta kaayo pagkasulat ang unang tulo ka kapitolo sa Roma!

Sa katapusan, atong hinumdoman kung unsa ang atong gibasa sa 1 Corinto 10:13; nga Diyos kanunay MAKATARUNGANON o PATAS! Busa, kung iyang huptan ang tanang mga tawo nga manubag alang sa ilang sala--ug silutan ang tanang tawo para sa kasaypanan nga ilang nabuhat-- unya ang PAGKA-PATAS niini nangayo nga ang mga tawo kinahanglan nga adunay abilidad nga “dili mobuhat” sa mga dautang butang mga mao ang hinungdan nga pagahukman sila! aron nga adunay pagka-makiangayon sa adlaw sa paghukom, ang kada tawo nga nilapas sa kabubut-on sa Diyos mabutang sa situwasyon diin ang usa ka tawo nilapas sa kabubut-on sa Diyos pina-agi sa iyang mga pagpili! Ang bugtong paagi nga kini pweding mahitabo mao ang sitwasyon nga posible para sa usa ka tawo nga mabuhi sa tibuok nilang kina-buhi nga walay sala. Gikan sa atong nakatunan sa 1 Corinto 10:13, giusa sa atong nakatunan mahitungod sa kinabuhi ni Jesus nga walay sala, atong masigurado nga posibli para sa katawhan nga mabuhi nga walay sala, ug, ang Diyos dili mobuhat ug dili makatarunganon nga disisyon kung iyang paga-silotan ang mga maka-sasala. Kung sila ma-adto sa Impyerno, ang ilang kaugalingon ra ang ilang mabasol!

KASUMAHAN SA TANAN:

Sa sumada niini, atong hinumdoman nga ang Diyos adunay gitagana nga balaod nga naghimo nga posibli para kanatong tanan nga magkinabuhi nga walay sala. Bisan kon IKAW ug AKO tinuod nga nagpuyo sa kinabuhi nga walay sala kana usa ka butang nga hingpit nga lain pud nga panaghisgutan. Tungod lamang nga ang Diyos naghimo nga posible alang kanato nga dili maka-sala, wala kana nagpasabot nga kita dili jud maka-sala! Kana nagdipindi sa kada-disisyon nga gibuhat sa matag tintasyon nga atong ma-atobang sa atong kinabuhi. Usa ka tinuod nga butang nga dili nato makalimod nga si Jesus minaog ug nahimong tawo ug siya sama kanato sa tanang paagi. Lain pa nga kamatuoran nga dili nato malimod nga si Jesus gitital sa tanang paagi sama kanto, ug bisan pa niana wala siya maka-sala. Siya dili makabaton ug espesyal nga gahum sa Diyos para maka-tabang kaniya aron matuman niya ang kinabuhi nga walay sala kay kung siya nagamit niini, siya dili pwede matawag nga gi-tintal sama kanato sa tanang paagi o siya sama kanato sa tanang paagi. Sa laing bahin niini, kung si Jesus gi tintal sama kanato sa tanang paagi ug wala maka-sala, kini nagpasabot nga siya naghimo o mipili sa husto nga tubag kada-oras nga siya paga-tintalon. Kung ang iyang walay sala nga kinabuhi usa ka tawhanon nga kinabuhing walay sala, unya kini mao ang maghatag kanato ug tulobagon! Kung siya usa ka ordinaryo nga tawo ug nagkinabuhi nga wala sala, busa kita pud pwede dili maka-sala kung gustohon nato o kini mao atong pili-on! Kini nga hunahuna naghimo kanato nga dili komportable tungod kay lisod kaayo para kanato nga dili maka-sala. Apan, uban sa kaalam sa husto ug sayop nga gihatag sa Diyos kanato pina-agi sa Biblia, ug ang mga ehimplo ni Jesus nga nahisulat, nganong mahadalok man kita? Kung ang Diyos naghatag nato kasayuran nga atong gikinahanglan, ug kung ang Diyos adunay gitakda nga balaod sa tintasyon diin nga ikaw dili gayud mapugos sa pagbuhat sa usa ka butang nga sumpaki sa imong kabubut-on, unya nga dili man kita pweding mabuhi nga halayo sa sala? Si Jesus walay sala tungod sa iyang gugma ug pagsalig nga anaa kaniya iyang Amahan. Usa ka sigurado nga butang. Kitang tanan adunay tulobagon sa atong kaugalingon nga binuhatan ug adunay Adlaw sa Paghukom! Ang mga pagpili nga ikaw ug ako nga ginabuhat mao ang modisisyon kung asa kita paingon hangtud sa walay katapusan!