PAGSUMADA SA TANAN

Ania na kita sa katapusan sa materyal nga apil sa kini nga kurso ug oras na nga mupadayon kita sa dugang nga mga kurso ug bag-o nga mga hilisgutan. Bisan pa niana, sa dili pa ta mubiya sa kining intersado nga kurso, maggahin kita ug panahon sa pagrebyo sa mga nagunang punto nga gidala sa atong pagtuon

PAGSUSI SA RELIHIYON KARON

Nagsugod kita sa atong panaw pinaagi sa pagtan-aw sa mga kamatuoran nga atong nakita sa relihiyon karon. Gipasabut nato nga sa atong kalibutan, gatusan ka mga grupo ang nag-angkon nga "Kristiyano" ug nagsunod sa Biblia ug bisan pa wala’y duha nga mga grupo ang parehas. Daghan nga mga tawo ang miangkon nga aduna silay espesyal nga giya gikan sa Balaang Ispiritu apan ang ilang pagtuon ni resulta sa dili makanunayon nga mga oagtulun-an. Giunsa man ni pagkamaayo nga butang kon ang nakita nato sa Biblia kay, “usa ka lawas”1 nga adunay usa ka hugpong nga magkanunayon nga pagtulun-an?

Atong gisusi ug nakita nga ang orihinal nga ideya sa kristiyanismo nagdala sa kasingkasing niini usa ka panaghiusa nga gibase sa hingpit nga pagpasakop sa Diyos. Ang mga orihinal nga mga Kristiyano adunay pareha nga pagpasakop ug kung ganahan tang mamahimong tinuod nga Kristiyano karon busa kinahanglan usab natong buhaton ang sama nga pasalig sa Diyos.

Naghatag kami ug ebidensya aron ipakita nga ang relihiyoso nga kalibutan karon, uban ang gatusan ka lainlaing simbahan sa “kristiyanismo”, KAY DILI ang rason kung nganong gihatag ni Jesus ang iyang kinabuhi sa krus gawas sa syudad sa Jerusalem. Gihatag ni Jesus ang iyang kinabuhi para sa usa ka simbahan nga gihisgut sa Biblia ug atong buluhaton karon ang pagtugyan sa kagustuhan sa Diyos para iya kita iapil sa katong usa nga simbahan—ang simbahan nga iya sa iyang anak, Kristo!

Sa diha nga kita makatapus niini, dili na kita mahimong “Katoliko”, o “Protestante”, o “Evangelicals”, o bisan unsang mga ngalan nga atong makita nga gigamit karon. Kining nga mga ngalan wala manglungtad sa panahon ni Kristo tungod, dili pareha karon, aduna lang usa ka klase nga Kristiyanismo atong panahona. Kon ang mga tawo nga buhi karon magpasakop sa Diyos ug magmasulundon sa iyang pulong (ang Biblia), mahimo lamang sila nga mga Kristiyano. Busa, sa walay duhaduha, adunay dakong panginahanglan alang sa matag usa karon nga magtuon sa Biblia kanunay ug mabinantayon ug dayon sundon ang tukmang giingon niini.

Palihug ayaw kalimti ang atong nakat-onan sa Mateo 7:21-23. Posible para sa usa katawo ang mubati ug seguridad sa iyang pagtuo, para mahimong aktibo sa pagbuhat sa mga butang “alang kang Kristo”, ug bisan pa niana isalikway siya ni Jesus sa katapusan. Gikan niini, kita siguradong makakita nga dili igo alang sa usa ka tawo nga usa lamang ka “relihiyoso nga tawo”. Para madawat ni Kristo, dapat ta mahimong klase sa tawo nga mubuhat sa kagustuhan sa Amahan, ug kana nagpasabut nga pagpasakop ug pagkamasulundon sa bisan unsa nga nagsulti kanato nga buhaton sa Biblia. Giunsa nato pagkahibalo unsa ang gusto sa Diyos nga atong buhaton gawas kon atong tun-an ang Biblia?

SUSIHON PAG-AYO ANG BIBLIA

Tungod kay ang Biblia mao ang yawe sa atong pagpangita ug pagpuyo sa bag-ong testamento nga kristiyanismo karon, atong gihisgutan ang daghang mga butang mahitungod sa gigikanan ug katuyoan niini. Usa sa mga butang nga namatikdan nato kay ang mensahe sa Biblia kay wala maggikan sa kaugalingong panghuna-huna sa tawo. 2 Timoteo 3:16-17 nagpakita nga ang Kasulatan gikan sa Diyos, ug tungod gikan kini sa Diyos, gamit kini sa daghan nga mga pamaagi. Gihatagan kita sa Diyos ug Biblia para kita makatudlo, magbadlong, magtul-id sa sayop, ug sa pagtudlo sa matarong nga kinabuhi, aron nga ang tawo nga nagalagad sa Diyos maandam sa pagbuhat sa tanang maayong buhat.

Ato pud nadiskubrehan ang panguna nga rason kung nganong adunay duha kaparte o “testamento” sa sulod sa atong mga Biblia. Ang duha kaparte nga representar ug duha kanaglain-laing mga mensahe sa Diyos. Atong nakita sa Hereohanon 1:1-2 nga ang Diyos – kinsa ang maong BUGTONG nga manunulat – naghatag nga kining mga mensahe sa DUHA ka naglain-lain kagrupo, pinaagi sa lain-lain nga mga ahente, ug sa DUHA ka lahi nga panahon. Gikan sa konteksto, atong mamatikdan nga ikaduha nga mensahe, ang Bag-ong kasabotan, kay ang mensahe nga para sa ATOA KARON.

Atong nasidubrehan sa mga bersikulo sa mga bersikulo sama sa 1 Corinto 10:16-17, nga bisan pa ang unang mensahe sa Diyos, and Karaang kasabotan, kay gisulat para sa lahi nga grupo sa mga tawo nga nagpuyo sa lain nga panahon, aduna kini daghan nga mga leksyon nga ATONG makat-onan karon. Pananglitan, atong nakat-onan ang buot pasabot sa PAGTUO tungod kay atong nakita, sa mga istorya atong mga tawhana, usa ka sumbanan sa mga gilauman sa Diyos gikan sa tawo. Kon ang Diyos magsulti sa tawo sa pagbuhat sa usa kabutang, iyahang hatagan ug ganti katong mga nibuhat sa iyang gitugon ug silotan katong mga misupak. Tingali ang pinakaimportante nga butang nga atong nakat-onan gikan sa Karaang kasabotan kay ang PLANO sa Diyos sa pagluwas kanato, ug giunsa pagkasulod ni Jesus sa maong plano, ug nganong gibuhat niya ang mga butang nga iyang gipangbuhat sa pagkanaog niya ug pagpuyo isip tawo – “pareha kanato sa TANANG pamaagi”.

Nadiskobrehan usab nato nga ang Biblia mao ANG BUGTONG TINUBDAN SA IMPORMASYON alang sa relihiyon karon ug kini usa ka hingpit nga giya. Kini usa ka mahinungdanon nga punto tungod kay adunay daghang mga makalibog nga mga butang nga nahitabo sa atong palibot karon sa relihiyon nga naglibog sa atong mga kasingkasing ug mga hunahuna. Nagkinahanglan kita ug usa ka himan sa pagsukod aron nga atong matino kon ang usa ka tawo nagsulti sa kamatuoran ug kung wala kini. Makapadasig nga mahibal-an nga gihatag sa Diyos ang Biblia kanato alang sa maong katuyoan!

Atong gisubay ang kasaysayan sa mensahe sa bag-ong testamento gikan sa sinugdanan niini, pinaagi sa personal nga pagtudlo ni Jesus, padulong sa pagkakumpleto niini sa mga kamot sa iyang mga apostoles, nga gigiyahan sa Balaang Espiritu. Samtang ang katapusan sa unang siglo nagkaduol na, ang pipila ka makapaikag nga mga pamulong sa pipila ka mga magsusulat sa ilang mga sulat nagpakita nga ang ikaduha nga mensahe nahuman na gayud. Sila kanunay nga NAGPASIDAAN sa mga tawo batok sa pagdawat sa BAG-ONG NGA BUTANG, nga sukwahi sa mga butang nga nadawat na nila. Ang paglungtad sa maong mga pasidaan usa ka ebidensya nga nagpakita nga ang mensahe kinahanglang nahuman na sa tibuok kinabuhi sa mga unang tinun-an. Busa, ang bisan unsa nga modernong pagtulon-an nga tinuod nga kristyano kinahanglan makita sulod sa Bag-ong kasabotan!

Sa susama nga punto, atong nakita kung pila ka mga tawo ang naggamit sa pipila ka mga bersikulo sa Biblia nga wala sa saktong konteksto pinaagi sa pag-ingon nga ang saad sa paggiya sa Espiritu Santo nga gihimo ni Jesus2 alang usab kanimo ug ako karon! Daghan ang nagampo alang ug dayon NAGANGKON nga sila nakadawat niini nga giya. Bisan pa niana, atong namatikdan nga bisan ang mga pag-angkon nga sama niini sayon nga himoon aduna dapat kita nga makita nga pamatuod aron mapamatud-an nga kini nga paggiya nagapadayon. Atong namatikdan nga kadaghanan sa mga relihiyosong pundok nagsugod sa ilang pagtuon sa Biblia uban sa mga pag-ampo nga giya - nangayo sa Espiritu sa pagpakita kanila sa kamatuoran. Bisan pa niana, nakita usab nato nga ang resulta sa mga "giniyahan nga mga pagtuon" wala magkauyon.3 Kini hinungdanon kaayo tungod kay kung ang tinuod nga giya sa Espiritu Santo sa pagkatinuod nahitabo karon, ang Espiritu dili magtudlo sa usa ka butang ngadto sa usa ka partikular nga relihiyosong grupo ug dayon magtudlo sa usa ka butang nga hingpit nga lahi ngadto sa laing grupo! Kung atong hunahunaon ang nagkalainlain nga mga pagtulun-an nga makita sa relihiyon karon, bisan pa kining mga grupoha NAGANGKON nga ang ilang mga pagtulun-an nadawat gikan sa giya sa Espiritu, kini usa ka makalibog nga sitwasyon.

Apan, pinaagi lamang sa pagtandi sa mensahe nga gitudlo niining mga tawhana uban sa orihinal nga mensahe sa bag-ong testamento nga atong matino ang kamatuoran ug taposon ang kalibog. Atong nahibal-an nga ang tanan KINAHANGLAN nga mosunod unsa ang nahisulat sa Biblia ug nga ang mga lider sa relihiyon dili lahi gikan sa "regular nga mga miyembro". Kung atong makita ang atong mga lider sa relihiyon nga nagtudlo o nagsunod sa mga pagtulun-an nga dili makita sa Biblia, kinahanglan dili kita mosunod kanila, bisan unsa pa ang mga sangputanan sa maong baruganan. Ang ideya sa pagsupak sa mga lider sa relihiyon mahimong makahadlok tungod kay daghan ang gamhanan apan naghunahuna sa kapilian. Gusto ka ba nga mobarug atubangan sa Diyos sa Adlaw sa Paghukom ug kinahanglan ipasabut kung nganong nakahukom ka nga mosunod sa MGA TAWO imbes nga KANIYA?

Natun-an nato kung GIUNSA sa paggiya sa Balaang Espiritu ang mga tawo nga gigamit sa Diyos isip mga instrumento sa pagsulat aron makuha ang iyang mensahe ngadto sa katawhan sa kalibutan. Gipadala sa Diyos ang Balaang Espiritu aron MUGIYA sa katawhan ngadto sa kumpletong mensahe nga iyang gusto nga ihatag sa katawhan sa yuta. Gihulagway kini ni Pedro sa labing maayo sa 2 Pedro 1: 20-21, diin siya miingon nga ang mensahe, nga gihatag sa tigpamaba, dili sa ilang kaugalingon ug nga sila nakabaton niini nga mensahe direkta gikan sa Diyos pinaagi sa giya sa Espiritu. Gigamit sa Diyos ang mga 40 ka "instrumento" sa pagsulat sa mensahe sa Biblia.

UNSAON PAGTUON SA BIBLIA

Nakakat-on nato ug daghang mapuslanon nga mga butang mahitungod sa pagtuon sa Biblia. Pananglitan, nadiskubrehan nato nga ang pagtuon sa Biblia susama sa buhat sa usa ka maghuhukom sa usa ka korte. Ang usa ka maghuhukom mohukom sa pagkasad-an o pagkawalay sala sa usa ka tawo nga gibase sa mga kamatuoran nga gipresentar nga ebidensya. KINAHANGLAN niya nga paminawon ang tanan nga bahin ug hunahunaon ang tanang ebidensya sa dili pa siya makahimo sa pag-uyon. Kinahanglan nato nga makita ang tanan nga magamit ug aana nga kasayuran nga gihatag sa Biblia ug ginakonsiderar tanan SA DILI pa kita maghimo ug konklusyon.

Tungod sa kaguliyang sa relihiyon karon, atong nakita nga daghang mga tawo ang nakahukom nga "mosunod sa ilang mga kasingkasing", o "mubuhat sa mga butang nga PAMATI nila nga sakto." Bisan tuod kini dili sayop nga adunay kombiksyon, ang kombiksyon mismo DILI pamatud-an kon unsay husto o sayup. Atong nakita, sa Mga Proverbio 14:12, nga adunay kalainan tali sa gisulti sa Diyos ug sa hunahuna sa tawo. Ang hinungdan nga dili kita makasunod sa atong gihunahuna kay basin kita mahimong sayop! Kinahanglan nga kanunay kita magtuon sa Biblia ug siguradohon nga ang atong ginabuhat sama ra sa gisulti sa Diyos.

Tingali ang labing importante nga usa ka punto nga atong nakat-unan mahitungod sa pagtuon sa Biblia mao ang konteksto. Nakita nato nga ang matag bersikulo sa Biblia kinahanglan ibutang sa dapit niini uban sa mga bersikulo sa wala pa ug human niini. Hinumdomi nga ang "mga bersikulo" diha sa Biblia mao ang mga salaysay ug sila sayon nga makuha gikan sa ilang mga dapit ug sayup nga paggamit. Ang usa ka bersikulo, nga gitan-aw sa kaugalingon, mahimong ipasabut sa bisan unsang butang, pero, kung ibutang naton ang mga bersikulo sa mga bersikulo nga nag-una ug pagkahuman niini, nga gitan-aw ang tibuuk nga panghitabo, mahibal-an nato nga husto ug magamit ang gipasabot niini sa atong kinabuhi.

JESUS: ANG KINABUHI NGA ANAA NA SUKAD PA SA KANIADTO

Pagkahuman sa atong mga leksyon mahitungod sa Biblia ug pagtuon sa Biblia, atong gitan-aw ang pipila ka makapaikag kaayo nga materyal mahitungod kang Jesu-kristo. Samtang maghunahuna ka balik sa mga pagtuon, kinahanglan una nga hinumdoman nga siya buhi pa sa langit dugay na nga wala pa siya buhi dinhi sa yuta.Nahibal-an nato kini tungod sa daghang mga bersikulo, sama sa Juan 1: 1-3 ug 14, nga nagsulti kanato nga siya naglungtad. SA LANGIT, sa wala pa siya mianhi sa yuta. Nasayran usab nato nga si Jesus Diyos ug nga gibuhat niya ang tanan nga gibuhat sa Paglalang.

SI JESUS: ANG DIYOS NGA NAHIMONG USA KA TAWO

Human sa pagtuon mahitungod kang Jesus ingon nga Diyos, atong gitan-aw ang TAWHANON nga bahin ni Jesus. Ang ideya ni Jesus nga ang Diyos nahimong usa ka tawo nga makalibog kaayo alang sa daghang mga tawo, apan ang Biblia nagingon nga kini mao gayud ang nahitabo. Ang gidak-on sa katawhan ni Jesus gipatin-aw sa magsusulat, sa Hebreo 2:17, diin iyang gipakita nga si Jesus "sama kanato sa tanang paagi". Pagkatalagsaon nga nahibal-an nga walay kalainan tali ni Jesus ug sa uban nga mga tawo nga nagpuyo sa iyang panahon, gawas sa kamatuoran nga ang tawo, si Jesus, mao ra nga indibidwal nga naghimo sa kahayag ug uban pang mga butang sa unang adlaw sa Paglalang! Nakita usab nato ang daghang makaiikag nga mga hinungdan nganong si Jesus nahimong usa ka tawo. Nakita nato nga ang kadaghanan sa mga katarungan nagpalibot sa kamatuoran nga ang Diyos dili makasinati sa daghang tawhanong mga butang tungod kay, ingon nga Diyos, siya "madutlan" kanila. Tungod kay si Jesus nahimo nga usa ka tawo, ang Diyos karon NAHIBALO na kon unsa ang pagkahimong usa ka tawo! Ang Diyos usab adunay usa ka paagi sa pagbutang sa hustisya / patas sa Adlaw sa Paghukom. Si Jesus molingkod sa paghukom imbis sa Amahan, ug busa walay tawo nga mahimong moreklamo.

SI JESUS: ANG Diyos / TAWO

Pagkahuman sa atong paghisgot kang Jesus isip usa ka tawo, nagtrabaho kita sa pagpangita sa usa ka paagi sa pagbutang sa DUHA - nga daw nagkasumpaki nga mga hulagway ni Jesus nga magkauban. Sa unsang paagi nga si Jesus mahimong Diyos ug sa samang panahon, usa ka TAWO? Namatikdan nato ang daghang nisulay sa pagpatin-aw ug nakita nga ang pangutana nga kung PILA ka Diyos si Jesus ug kung PILA ka tawo si Jesus dili matubag pinaagi sa paghatag ug PORSEYENTO. Hinunoa, among gisugyot nga kini nga hilisgutan dili usa ka butang sa pag-establisar sa usa ka ang-ang sa "unsa ka daghan nga tawo" nga sukwahi sa "unsa ka daghan nga Diyos" diha sa usa ka punto sa kinabuhi ni Jesus sa Yuta. Kini, hinoon, usa ka butang sa PAGKATAWO! Ingon sa atong gipahayag sa sayo pa, kini nga tawo - si Jesus, kinsa sama kanato sa tanang paagi - mao ang sama nga tawo kinsa didto sa UNANG ADLAW ug gibuhat ang tanan sa atong uniberso!

Dayon atong gitun-an pag-ayo ang mga milagro ni Jesus ug atong nakita nga daghang mga tawo ang sayop nga nagtudlo sa iyang mga milagro isip pamatuod nga siya Diyos - nga nagpahayag nga tungod kay walay tawo nga makahimo ug mga milagro ug sukad nga si Jesus naghimog mga milagro, busa ang iyang mga milagro pamatuod nga siya Diyos. Bisan pa niana, nakita nato nga ang kaatbang niini kay ang tinuod gayud. Ang duha ka mga bersikulo sa partikular (Mga Buhat 2:22-23 ug Mga Buhat 10:38) tin-aw nga nagingon nga bisan si Jesus naghimog mga milagro, siya wala maghimo ug mga milagro pinaagi SA IYANG KAUGALINGONG GAHUM. Hinunoa, kini nga mga bersikulo nagpakita nga si Jesus nakahimo niining mga milagro TUNGOD kay ang Diyos naguban kaniya. Sa laing pagkasulti, gihatag sa Diyos ang gahom ni Jesus - sama nga ang Diyos naghatag usab sa samang gahum sa daghan sa mga ordinaryong tawo aron sila makahimo ug mga milagro.

Nihatag pu kita ug mas lalom nga pagtan-aw sa walay sala nga kinabuhi ni Jesus tungod kay ang pagsabut niini nga butang usa ka laing dapit sa kalibog sa relihiyon karon. Daghang mga tawo ang sayop nga nagpatin-aw nga ang walay sala nga kinabuhi ni Jesus ingon nga resulta sa iyang pagka Diyos. Ingon nga usa ka tawo, bisan pa niana, atong nakita kung giunsa ni Jesus pag-atubang ang iyang adlaw-adlaw nga kinabuhi uban sa sama nga mga himan nga gibuhat sa matag usa nga tawo. Siya adunay kagawasan sa pagpili ug sa samang saad gikan sa Diyos nga kitang tanan adunay mahitungod sa timtasyon ug sala. (1 Corinto 10:13)

Hinumdomi nga nakita usab nato kung giunsa sa daghang mga tawo ang sayop nga nagpatin-aw sa Mga Taga Roma 3:23 ug nakamatikod nga ang pamahayag mahitungod sa "tanang mga tawo nga nakasala" sa pagkatinuod usa ka makasaysayanon nga kamatuoran UG DILI usa ka pahayag nga nagpahayag sa mga kapabilidad sa tawo. Gikan sa atong pagtuon mahitungod sa walay sala nga kinabuhi ni Jesus, atong nadiskobrehan nga ang Diyos nagbutang sa mga kalagdaan aron kini posible alang sa usa ka tawo nga mabuhi nga walay bisan usa nga makasala. Tungod kay kitang tanan adunay kagawasan sa pagpili, ug tungod kay ang Diyos nagsaad nga kita aduna PIRME DUHA KA MGA PILIANAN, kini nagapamatuod nga ang tawo adunay posibilidad sa pagpili sa matarung sa matag panahon. Anaa kini sa matag tawo ug sa pagbuhat sa ilang free will.

Ang nagunang punto nga atong nakita sa atong katapusang panaghisgot nagpunting sa pagkasama ni Jesus sa uban nga katawhan. Kon siya tinuod nga "sama kanato sa tanan nga paagi" busa siya kinahanglan nga mag-atubang sa iyang mga pagtintal sama kanato. Kay kon dili, unya unsaon nga kini ikaingon nga siya sama kanato SA TANANG PAAGI? Si Jesus walay sala tungod kay sa matag higayon nga siya nagatubang sa usa ka tintasyon siya mihimo sa husto nga kagawasan sa pagpili.

Gipaningkamotan ni Jesus nga mahibal-an ang kabubut-on sa Diyos ug sundon kana hingpit. Kung ang imong gidak-on sa pasalig ingon ka dako sama ni Jesus kaniadto then dili pud kita makasala!

Sa katapusan, atong nahibal-an nga sa dihang si Jesus nagpuyo sa yuta siya sama gayud kanato sa tanang paagi! Hinumdomi nga ang Mga Taga-Filipos kapitulo 2 nagpatin-aw kanato nga si Jesus "naghaw-as" sa iyang kaugalingon sa tanang mga butang nga naghimo kaniya nga "managsama sa Diyos" ug nga siya nagkuha sa dagway sa usa ka tawo. Ang resulta sa maong pagpakatawo mao nga si Jesus nahimong "sama kanato sa tanang paagi".

JESUS: ANG NAG-UNA SA PAGTUO!

Unya, sa atong nangagi nga leksyon, gisulayan nato nga ibutang ang tanan nga materyal mahitungod ni Jesus ngadto sa panan-aw. "Nganong si Jesus mianhi sa yuta?" Siyempre, makasulti kita nga si Jesus mianhi aron sa pagluwas kanato. Apan, wala siya moanhi dinhi aron lang sa pagluwas kanato. Mianhi siya aron pagbuhat sa ingon labaw pa niana. Ang Hebreo 12:1-2 naghulagway ni Jesus isip nagpasiugda ug natapus sa atong pagtuo. Mahinungdanon nga hinumdoman nato nga si Jesus wala’y pamatud-an ug wala’y madawat para sa iyang kaugalingon. Ang tanan nga iyang gibuhat alang sa atong kaayohan. Gitukod niya ang "pagtuo" ug dayon iyang gisunod kini! Gipakita niya kung unsa ang atong mahimo sa tanan aron makahatag sa usa ka buhi nga TAWO nga panig-ingnan kung unsa ang mahimo ug unsa dapat ang atong kinabuhi.

Gikan sa kana nga materyal, nahibal-an nato nga ang nagapanguna nga buluhaton sa isa ka disipulo kay magasunod sa mga tikang sa iyang amo. Ang pagsunod kang Kristo mao ang bahin sa tanan nga Kristiyanidad!Gikan sa mga bersikulo nga atong gisusi, atong nakita nga ang Diyos seryoso nga makakita sa kausaban sa atong mga kinabuhi. Nadiskobrehan nato ang metamorphosis, nga mao ang biolohikanhong termino nga gigamit sa paghulagway sa siklo sa kinabuhi sa usa ka buhi nga mga butang. Kini ang pagbag-o nga mahitabo sa MGA HUGNA ug atong nakit-an ang ideya sa daghang mahinungdanon nga mga bersikulo. Ang Roma 12:1-2 gigamit kini aron ipakita nga ang tumong alang kanato isip "buhi nga mga halad" mao ang pagbag-o – gikan sa kung unsa kita karon ngadto sa lain nga kausaban. Kana nga pagbag-o mahitabo kon usbon nato ang atong gihunahuna. Ang pagbag-o sa paagi nga sa atong hunahuna makapausab sa atong paagi sa atong paglihok. Ang 2 Mga Taga-Corinto 3:18 nagpadayon sa pagpakita kanato nga dili kita mausab ngadto sa mga alibangbang, apan sa pagkasama ni Jesus. Kini nga proseso hinay-hinay ug mahitabo lamang kon kita magpuyo ingon nga si Jesus nagpuyo sa iyang kaugalingong kinabuhi dinhi sa yuta. Mao kini ang hinungdan nga gisultihan kita sa PAGSUNOD kaniya.

Si Jesus nahisama kanato sa tanang paagi ug ang iyang kinabuhi usa ka panig-ingnan alang kanato nga sundon sa tanang paagi. Si Jesus wala makasala. Kon kita mosunod sa iyang mga lakang dili usab kita makasala!

Kung maghisgot og mga lakang, adunay usa ka popular kaayo nga balak sa relihiyon ug kanta nga "Footprints". Kini popular kaayo tungod kay puno kini sa mga pagsugid sa tawhanong "mga kahuyang" ug lalum nga mga pagbati. Nagpakita usab kini ni Jesus ingon nga usa ka maloloy-on ug mahigugmaong manluluwas! Ang istorya nagsugod sa mamumulong nga naglakaw sa baybayon sa kiliran sa Ginoo, nga nagrepresentar sa iyang adlaw-adlaw nga pakigbisog sa pagkinabuhi isip tinun-an ni Jesus. Siya nagingon nga kadaghanan sa panahon nga iyang nakita ang duha ka hugpong sa tunob sa balas diha sa baybayon sa luyo niini; usa ka hugpong nga iya sa iyang kaugalingon ug ang usa nga iya sa Ginoo. Apan samtang nagpadayon ang mga butang, ang mamumulong nakasinati ug mga kalisud sa kinabuhi ug nakamatikod lamang sa usa ka hugpong sa mga tunob. Naghunahuna nga ang Ginoo mibiya kaniya, siya nagpakisayud gikan sa Ginoo. Diha sa balak, ang Ginoo nagpatin-aw nga ang duha ka han-ay sa tunob mao ang mga panahon diin ang tawo nakalakaw ilalum sa iyang kaugalingong gahum ug malipayon siya nga naglakaw kauban sa Ginoo. Dayon iyang gipasabut nga ang mga panahon nga adunay usa lamang ka hugpong sa mga tunob dili ang mga panahon nga ang tawo gibiyaan nga mag-inusara ... nga gibiyaan sa Ginoo. Sumala sa Ginoo, niadtong mga panahona, ang tawo wala maglakaw. Ang mga panahon nga adunay usa lamang ka han-ay sa tunob sa mga tiil mao ang mga panahon sa dihang gipas-an siya sa Ginoo!

Ang "Footprints" usa ka kanta nga maoy hinungdan sa dagkong mga emosyon sulod sa mga nagbasa niini, apan ang mensahe sa balak tukma ba?

Sa balak, PAGLAKAW sa daplin sa baybayon mao ang representante sa usa ka tawo nga nagpuyo matag adlaw sa kalibutan ug busa ang mga lakang nagrepresentar sa mga pagpili ug mga lihok sa tawo. Karon, samtang ginahunahuna nato ang atong nakat-unan gikan sa atong mga pagtuon, aduna ba'y panahon nga si Jesus magabuhat sa atong panghunahuna alang kanato, maghimo sa atong mga desisyon alang kanato, ug dayon buhaton ang atong mga lihok? Dili, dili siya! Gikan sa atong pagtuon, atong nahibal-an nga bisan ang Diyos buot kanato nga magbuhat ug maayo, ug si Satanas gusto nga kita magbuhat ug dautan, apan dili sla makapugos kanato sa pagbuhat sa bisan unsang butang tungod kay kana mokuha sa atong KAGAWASAN SA PAGPILI ug sa ingon dili na kita mahimong responsable sa atong mga lihok tungod kay napugos kita sa paglihok. Dugang pa, kon si Jesus malamgkip sa kinabuhi sa usa ka tawo,busa ang hustisya maghangyo nga kinahanglan nga buhaton niya ang sama sa kinabuhi sa matag tawo. Sa pagkatinuod, dili ba ang Biblia nagingon nga ang Diyos nahigugma sa TANAN nga mga tawo? Busa, ang kamatuoran mao nga ang Diyos kinahanglan nga magbarug ug magbantay kanato samtang kita maglakaw nga naginusara sa baybayon. Siya dili makahimo bisan unsa gawas sa paghangyo kanato sa pagsunod sa iyang kabubut-on!

Apan, ADUNAY tabang nga magamit! Pwede siya mahisama nga adunay mga tunob sa balas; apan usa ra ka tinumbanan ang nag-una kanato ngadto hangtud sa unahan. Mao kini ang mga tunob nga gibilin ni Jesus isip usa ka dalan alang sundon kanato nga 2,000 ka mga tuig ang milabay! Ang atong buluhaton mao ang pagsunod sa kana nga agianan pinaagi sa pagbutang sa atong mga tiil nga mabinantayon sa mga tunob sa tiil, lakang sa maampingon nga lakang ni Jesus. Ang saad mao nga basta atong ibutang ang atong mga tiil diha sa iyang mga tunob sa mga tiil unya dili kita makasala. Gipahayag sa laing paagi, atong nakita nga ang tumong sa Kristiyanismo dili ang pagtugot ni Jesus sa pagpas-an kanato, apan alang kanato nga mopili sa paglakaw samtang siya naglakaw. (Tan-awa ang 1 Juan 2:3-6.) Sa dihang atong gipili ang pagsunod sa panig-ingnan ni Jesus sa pagkamatinumanon ang gugma sa Diyos sa pagkatinuod moabot sa gitinguha nga tumong kanato!

Usa ka maayo nga hunahunaon sa pagtapus sa ang atong pagtuon anaa sa mga pulong ni Jesus mismo nga natala sa Mateo 11:28-30.

28 “Duol kamo kanako, kamong tanan nga gikapuyan ug gibug-atan sa inyong gipas-an ug papahulayon ko kamo. 29 Isangon ang akong yugo ug sunda ninyo ako kay malumo ako ug mapaubsanon sa espiritu ug makapahulay kamo. 30 Sayon ang yugo nga akong isangon kaninyo ug gaan ang ipapas-an ko kaninyo.”

ANG PAGTAPOS NIINI NGA PAGTUON!

Sa pagtapos niini nga kurso, kami naglaum nga nalingaw ka sa imong mga pagtuon ug nakakat-on ka sa daghang bag-o ug mapuslanon nga mga butang. Gidasig ka namo nga magpadayon sa pagtuon, bisan pinaagi sa ubang mga kurso sa pagtuon nga among gitanyag sa Bible Study Center, o, pinaagi sa imong mga paningkamot sa pagtuon. Kami malipay nga motabang kanimo sa bisan unsang paagi nga mahimo namo.