ANG PARADOX O ANG PAGKASUMPAKI

Interesado kaayo ang mga nilabay nga leksyon sa kini nga kurso. Huna-hunaa ang katingalahan sa kinabuhi ni Jesus! atong nakita nga siya anaa na sauna isip usa ka Diyos ug pina-agi niya nabuhat ang kalibutan. Unya nakita pud nato nga siya usa ka ordinaryo nga tawo sama kanato sa tanang paagi. Ang ebidensya sa duha ka pagtuon dali ra pangitaon ug sabton ug bug-at kaayo. Ang nag-inusarang problema nato niini kay sa unsang paagi nga kining duha ka grabi nga detalye masigu sa sama nga tawo-Jesus! Sa kang Jesus, sa pagkatinood, daw nagkasumpaki nga panghitabo sama sa langit ug yuta mga mag-abot o magbangga. Ingon niini nga panghitabo para mapurma ang usa ka PARADOX1!

Posible ba nga ang pagkabaalan2 uban sa pagkaperpekto ug pagkaputli mahiusa sa katawhan o pagkatawo uban sa iyang kaluyahon ug limitasyon-- sa samang oras? Kini mao ang kaso kung kita maghisgot mahitungod kang Jesus kay nahibalo kita nga si usa jud ka Diyos ug siya usa pud ka Tawo! Kadaghanan sa mga relihiyoso nga grupo nag-ingon nga si Jesus 100% nga pagka-Diyos ug 100% pud nga tawo, pero posible ba kini?

ANG DUHA KA LIBO KA TUIG NGA PUZZLE

Para makuha nato ang kina-iladman nga isyu, kinahanglan nato mahibaloan nga ang katawhan nagsulay na sa pagpasabot o esplikar sa kinabuhi sa Diyos ug ang paktawo ni Jesus sukad nga siya mibiya sa kalibutan. Lisug ni siya buhaton kay wala pamay nakahibalo kung unsa jud ang kinabuhi sa usa ka Diyos! Dili ka dapat mahibulong nga kadaghanan sa ilang pag-esplikar kay ang bahin ra sa pagkinabuhi nga tawhanon. Sa Pilosopiya kani-adto, ang TAWO kay adunay tulo ka bahin sa iyang pagkatawo: lawas, kalag, espirito. Ilang gipasabot nga ang lawas mao ang unod ug dugo, “balay” o ang lugar kung asa magpuyo ang kalag ug espirito. Ang kalag mao ang pwersa sa kinabuhi nga maoy naghimo niya nga buhi nga tawo. Ang espirito mao ang pwersa nga nagkontrol sa usa katawo nga maghuna-huna, mubuhat ug disisyon, ug maghinumdum sa mga panghitabu.

Daghan nah ang nisulay sa pagbasabut o pagpatin-aw sa pagakatawo ni Jesus nga nagamit niini nga modelo. Usa sa nisulay sa pagpasabot niini mao si Apolinarius3. Iyang gipasabot nga si Jesus gituohan nga adunay lawas ug kalag nga tawhanon, apan ang iyang tawhanon nga espirito gi-ilisan og Diyosnon.

Kung kini tinood, busa ang Diyos mahimo nga nagpuyo sa tawhanon nga lawas. Bisan pa niana, kung ang espirito nih Jesus (ang bahin nga mao ang pagpanabut ug pagbuhat ug mga desisyon) Diyosnon, unya unsaon pagsulti nga si Jesus, “gitintal sama kanato?” Kung ang pagtintal naglakip sa pagbuhat ug desisyon, unya, naggamit kini sa modelo sa taas, kini mahimo nga ang espirito ni Jesus mao ang responsabli sa pagbuhat ug desisyon kung unsa ang buhaton. Kani nga pagtuon nga kang Apolinarius naghimo nga ang Diyosnon bahin ni Jesus mao ang maka dawat sa tintasyon ug dali ra kaayo niya ang pagpildi sa kada timtasyon nga iyang ma-atubang. Si Jesus walay sala, apan dili tungod kay “sama siya kanato sa tanang paagi ug wala maka sala.”(Hebrohanon 4:15) Subo hunahuna-on, kini nga ideya mao ang moguba sa abilidad ni Jesus nga makasulay sa kinabuhi sa usa ka tawo. Sa atong nakat-unan sa mga ni-agi nga pagtuon, dali ra nimo makita nga ang ideya ni Apolinarius padulong sa pagkasayup nga direksyon.

Sa sama nga higayun, usa ka-kauban niya nga gipanganlan og Nestorius4 nga nagdala pud sa lain nga ideya. Nagtuo siya nga si Jesus duha ka managlahi nga tawo nga magbaylo-baylo og pagbalik dipindi sa sitwasyon nga gikinahanglan. Sa matag higayun nga makit-an nimo nga si Jesus nga nagbuhat sa tawhanon nga butang, mao kana ang uras nga si “Jesus ang Tawo” mao ang naa sa atubangan ug nagpaluyo niya ang “Jesus nga Diyos”. Sa matag higayun nga makit-an nimo nga si Jesus nagtudlo, nag-ayo sa mga masakiton, naglakaw sa tubig, o nagbuhat sa mga butang nga ang Diyos lamang ang makabuhat busa ang “Jesus ang Diyos” mao ang naa sa atubangan ug nagpaluyo niya ang “Jesus nga Tawo”. Ang problema ani nga ideya kay nahimo nga si Jesus nga usa ka tawo nga adunay nabahin nga personalidad o “split personality”. Dugang pa niini dili mahimo nga posibli nga dawaton kini nga ideya ug mag-ingon nga si Jesus “sama kanato sa tanang paagi”, kay mahimo ba kini? Busa ang ideya ni Nestorius adunay kuwang.

Lain pa jud nga interisado nga ideya sa usa kauban nila nga gipanganlan og Eutyches5. Siya nagtuo nga si Jesus gipanganak nga usa ka ordinaryo nga tawo sa Bethlehem. Sa kadto nga panahon si Jesus 100% nga tawo ug 0% nga Diyos. Apan si Jesus midubo ug ang iyang pag-Diyos naghinay-hinay pagkadako samtang ang iyang pagtawhanon naghinay-hinay pagkagamay, busa sa panahon nga si Jesus mibiya diri sa kalibutan siya 100% nga Diyos ug 0% nga Tawo. Kini nga ideya hingpit nga gitang-tang ang pagka-tawo nga bahin ni Jesus ug dili posible nga madawat kung kita nagtuo nga si Jesus tinood nga “sama kanato sa tanang paagi”!

Sa pagkakaron, masabtan nimo ang problema nga atong gi-atubang karon. Sa mga niaging pagtuon, atong nasayran nga si Jesus hingpit jud ang iyang pagka-Diyos UG hingpit ang iyang pagka-Tawo. Busa ang pagpasabot sa relasyon sa pagka-Diyos ug pagka-Tawo ni Jesus dili ka dapat magbana-bana sa duha ka posisyon. Huna-hunaa kung unsa ka managlahi ang duha, kini dili usa ka sayon nga butang! Ato kini pangitaon sa Biblia ug tanawon kung ato makit-an ang tubag sa pangutana.

ANG “LANGITNON” PANAGBANGI SA “KALIBUTANON” NGA KONDISYON!

Sa atong pagsugod niini, palihug sa pagpakli ug pagbasa sa inyong Biblia sa Mateo 4:1-10. Kini nga bahin sa Biblia naghisgot sa temtasyon ni Jesus gikan sa Yawa. Huna-hunaon nato ang mga detalye nga nahisulat sulod niini, ug bantayi ang mga mosunod.

Una, usa ka simpli nga pangutana. Mao bani ang unang higayon nga nagkita kining duha ka nilalang nga atong gihisgutan? Ang tubag kay DILI! Si Satanas ug si Jesus kay mga nilalang nga anaa na sa mga unang panahon ug kana nagpakita nga silang duha naka-ila na ug magkaaway na sa wala pa mabuhat ang kalibutan!

Ang ika-duha nga punto. Kung si Satanas kabalo kung kinsa iyang gika-atubang, busa kabalo pud kaayo siya nga si Jesus usa ka Diyos. Kini, sama nga sitwasyon nagpasbot nga siya kabalo nga walay kahigayunan nga mailad niya ang usa ka Diyos!

Busa, kung si Satanas NAHIBALO nga si Jesus usa ka Diyos, ug nahibalo nga ang Diyos dili niya matintal, busa ngano iya man gi-tintal si Jesus? Buang-buang naba si Satanas, O, adunay kausaban nga nahitabo kang Jesus mga maoy naghimo nga siya madutlan sa atake ni Satanas. Maningkamot ba og pag-ayo si Satanas kung siya wala'y kahigayonan nga makada-ug? Kini interisado kaayo, uyon baka?

Lagmit gayod nga adunay nausab sa kang Jesus nga naghimo kaniya nga madutlan sa atake ni Satanas!

ANG PAGPASABOT MABUTYAG

Samtang maghuna-huna kita niini, palihug sa pagpakli ngadto sa Filipos 2:6-8 ug basaha kini pipila ka higayon para mas sayon para nato mahinomdoman ang mga detalye. Pagsusi anih nga detalye kada bersikulo, imong makita ang pipila sa mga talagsaon nga mga butang.

Una, tan-awon nato ang tibuok nga kahulogan sa gisulat. Kinsay ang nag-istorya anih ug unsa ang iyang gusto nga ipasabot kanila? Ang nagsulat niini (si Apostol Pablo), nasulat ngadto sa magbabasa niini (mga Kristiano silang tanan) nakighinabi siya mahitungod sa pagpahiubos ug pagtan-aw sa panginahanglan sa uban labaw pa sa imong kaugalingon. Sa paghulagway sa gusto niya ipasbot ngadto kanila gigamit niya si Jesus isip sumbanan. Kini ang nag-andam sa atong basahon. Aduna pa ba'y mas maayo nga pakasulat nga detalye sama niini?

Ang unang gisulti niya sa iyang pamahayag, “Batoni ninyo kini nga panghunahuna nga iya usab ni kristo Jesus...”

Nagsugod siya sa pagpasabot pinaagi sa paghulagway kang Jesus sa iyang pagka-Diyos sa unang panahon. Gigamit ni Pablo ang pulong nga “tupung siya sa Diyos.” (Kini nagkatakdo sa atong mga pagtuon sa mga ni-agi nga leksyon mahitungod kang Jesus sa kato nga panahon.) Bisan pa niana, si Pablo ni padayon sa pagsaysay nga si Jesus wala naghuna-huna nga ang iyang pagka-tupong sa Diyos usa ka butang nga dapat niya kanunay pagakuptan. Sa bersikulo 7, siya mipadayun sa pag-sulti nga si Jesus nagpahiubos ug gitang-tang ang iyang pagkatupung sa Diyos ug minaug sa kalibutan. (Kani mao ang bahin nga naghisgot sa iyang pagkabuhi o nahimong unod mga ato nah natun-an.) Ang resulta sa pagkabuhi ni Jesus gi hulagway sa bersikulo 8. Si Jesus nagkatupung na sa katawhan ug isip usa ka tawo, siya matinumanon ngadto sa kabubut-on sa Amahan sama sa katawhan.(Kini uyon kaayo sa atong natun-an sa Hebrohanon 2:14-18.)

Kini talagsaon ra kaayo! Makita nimo ang tanan nga gibuhat ni Jesus. Dili lang ang dakong kausaban nga atong nakita, apan makita pud nimo ang kina-iya ug hinungdan niini. Kini gi buhat ni Jesus tungod kay gi-una niya ang gikinahanglan sa uban labaw pa sa iyang kaugalingon nga panginahanglan! Kini mao ang kinaiya nga dapat nato sundon nga mao ang gitudlo sa nasulat ani ngadto sa mga nagbasa.

Bisan pa niana, ang atong pagtuon karon kay ang pagtan-aw sa kausaban nga ni-abot kang Jesus. Unsa man jud ang gusto niya ipasabot sa pulong nga si Jesus “GIPAKAUBOS” niya ang iyang kaugalingon? Ang punto sa kani nga liksyon ug ang atong pagsabot sa kung unsa jud ang nahitabo sa tintasyon ni Jesus sa Mateo 4.

Ang Griyego nga pinulong nga gigamit niini mao ang pulong nga “KENOO”, nga nagpasabot nga “gikuhaan ug sulod”, o “wala kapuslanan”, o “dili magamit”. Sa literal nga pagkasulti kini nagpasabot sa pagtangtang sa sulod sa usa kabutang. Lain nga paghulagway niini kay ang pagtangtang sa ka-epiktibo sa usa ka butang. Kasagaran nga hubad nga gigamit sa Biblia kay “...inyang gipakaubos ang iyang kaugalingon...”,apan sa sayon nga pagkasulti, ang iyang gipasabot kay, “Ang pagkatopung niya sa Diyos gihimo niya nga walay epekto.”

Kung atong huna-hunaon ang katibuan nga kahulogan sa atong pagtuon. Ang nagsulat nagpasabot nga si Jesus boluntaryong miuyon sa paghatag sa maong butang para mahimong posible kaniya nga magpuyo sa kalibutan nga “sama kanato sa tanang paagi” isip usa ka tawo. (ang pulong nga “walay sulod” dili jud kinahanglan nga nagpasabot nga pagtangtang sa tanang butang, apan lamang dili dapat sila kinahanglan nga magamit samtang naa siya sa kalibutan.) Apan kung adunay usa nga gusto mo saysay niini, sigurado kita nga ang resulta mao ang kausaban nga naa kang Jesus nga maoy gihulagway sa nagsulat sa Hebreo ingon nga si Jesus sama kanato sa tanang paagi! Kana nga higayon mao ang nagpasabot kung ngano si Satanas naningkamot pag-ayo sa paglupig ni Jesus sa panahon sa iyang tintasyon. Si Jesus nahimong kumpleto nga tawo ug abli kaayo sa ataki ni Satanas!

Adunay lain pa nga dako nga pangutana nga nag-atubang kanato. “Si Jesus ni hunong ba sa pagka-Diyos kadtung gipakubos niya ang iyang kaugalingon ug nahimong tawo?”

Ang tubag niini dili mapangita sa pagsulay sa pagbana-bana sa porsyento. Dili pwede nga naa kay 100% sa usa ka butang ug usa pa lain nga 100% nga butang sa sama nga panahon. Kung idugang nimo silang duha mahimo na siyang 200%! Kung ang basihan kay ang porsyento dili pwede. Ang tinood nga hilisgotan niini kay ang iyang PAGKATAWO! Pagkatawo ang naglangkit sa tanan nga naghimo sa usa ka tawo o indibidwal kung kinsa jud SIYA.

Ang pagkatawo sa usa ka tawo naglakip sa tanan kung asa siya gikan, kaagi, kina-iya, pisikal nga hitsura ug uban pa. Ang imong pagkatawo kay mao ang naghimo kanimo kung kinsa ka karon! Ingon nga usa ka kaagi sa tawo kana mahimong bahin sa iyang kina-iya ug madugang sa iyang pagkatawo. Ang sitwasyon sa usa ka tawo usay mausab, ug ang bag-o nga kaagi, kina-iya o pamtasan ug madugang sa iyang pagtawo, apan ang pagkatawo niya mismo dili mausab. Ang bag-o nga kaagi dili mo tangtang o mo-usab sa kung kinsa jud siya, apan hinoon modugang sa kung kinsa siya karon, ug kana mopabilin kaniya sa iyang pagpadayon ug sa mga umaabot nga adlaw.

Pananglitan adunay usa ka tawo nga pobri sa una karon dato na. Apan, kung siya mahimong jud dato, kana dili maka-usab sa kamatuoran nga dato karon usa ka pubri kaniadto. Siya gihapon ang sama nga tawo!

Kani mao pud kang Jesus. Ang karaan niya pagkatawo wala mawala sa dihang nahimo siyang tawo. Ang tawo nga gilangsang sa krus ug namatay kay sama ra nga indibidwal nga naa kaniadto sa UNA NGA ADLAW sa pagbuhat sa kalibutan ug nabuhat sa kahayag! Walay tawo nga maka sulti nga si Jesus dili mao ang “Diyos nga nagbuhat sa kalibutan”, bisan pa sa partikular nga panahon nga siya namatay nga gilangsang sa krus! Kung atong tan-awon ug balik ngadto sa gipasabot ni Juan sa unang kapitulo sa iyang libro, ang kamatuoran nga ang PULONG “naming unod” wala nagpasabot nga dili na siya nga sama nga PULONG nga uban sa Diyos sa sinugdanan ug mao ang nagbuhat sa tanang butang. Ang tinood nga kusog sa argumento ni Juan ania sa kamtuoran nga ang tawo nga si Jesus, nga gi-ila sa tanan ug nakita kada-adlaw, kay usa JUD ka Diyos!

Dili mabungahon ang pag-apil sa mga tawo nga nagsulay sa pagbana-bana sa pursyento sa lebel usa ka Diyos and TAWO ni Jesus, tungod kay ang pangutana dili ma-basi sa kung unsa ka dako nga TAWO si Jesus ug unsa ka dako nga Diyos siya!

Unsa ang atong makita sa katapusan nga pagsusi sa atong pagtuon:

1. Si Jesus mao ang atong Diyos ug Magbubuhat sa tana. Siya ang nagbuhat kanato ug ang tanan kalibutan ug sama siya sa Diyos Amahan SA TANAG PAAGI.
2. Gipakaubos niya ang iyang kaugalingon ug giwagtang niya ang TANAN nga kalaininan niya katano ug minaog sa kalibutan.
3. Sa kalibutan siya nahimong TAWO “sama kanato SA TANANG PAAGI.”
4. 4. Bisan pa, sa KANIADTO, karon, ug HUMAN atong TANAN, siya WALA mihunong, siya gihapon si Jesus!

Importanti pud ang gisulat sa Filipos 2 nga wala magpasabut sa sitwasyon nga diin si Jesus nagsugod nga usa Diyos ug nahimong tawo (pasabot nga NIHUNONG pagka-Diyos),unya sa katapusan nahimong Diyos pag-usab (pasabot nga NIHUNONG pagka-Tawo). Kung kini tinood, unya mahimong walay kapuslanan ang tanan nga atong gitun-an sa mga niaging leksyon. (Palihug sa pagbasa ug balik sa Hebreo 2:18 ug 4:15-16.) Ang bungtung paagi nga makatabang si Jesus kanato kay kung ang iyang PAGKABUHI nagpabilin kaniya ug iyang nadala sa iyang pagbalik sa ORIHINAL NGA POSISYON ug istado. Ang KINABUHI ni Jesus nahimong permanenting madugang sa iyang pagkatawo, ug ang dugang mao ang kausaban sa kaimportanti sa atong kinabuhi!

Adunay usa tawo nga gisulti sa nadiskobrehan nga wala ma-ilhi nga karaan nga panultihon nga gi-sulat mahitunog ni Jesus. Sulod niin ang pulong nga basin siya mismo ganahan isulti sa mubo nga paagi sa kung unsa ang atong gisulayan nga makab-ot sa atong Leksyon karon.

Kini naghatag ug talagsaon nga kahulogan sa Hebreo 13:8, nga nagsaysay,

“Si Jesu-kristo dili gayod mausab, siya mao gihapon kaniadto, karon, ug sa walay kataposan.”