JESUS: ANG NAG-UNA SA PAGTUO!

Sa atong mga nakat-onan sa mga niaging mga klase, dapat kasabot nata nag si Jesus, ang Diyos nga naghimo nato, nagpuyo sa iyang yutan-ong kinabuhi nga tinuod nga tawo – pareha nato sa tanang paagi! Ang epekto niining atong nahibaloan dapat nakahatag ug bag-o nga importansya sa KINABUHI NI JESUS sa atong kinabuhi karon. Kadaghanan sa mga relihiyosong tawo karon naghuna-huna lang nga si Jesus usa ka manluluwas nga nagpakamatay sa krus para sa ilang mga sala. Tinuod gayud kini, ug importanteng hinumduman, pero, sa atong nakita sa atong pagtu-on, LABAW pa si Jesus ana!

Ang mga nagsulat sa Bag-ong kasabotan naghulagway ni Jesus nga kadaghanan sa mga tawo karon wala nakabalo. Palihug ug pakli sa inyong Biblia sa Hebreo ug basaha ang tibuok kapitulo 11 inig human basaha ang unang 3 ka-bersikulo sa kapitulo 12. Interesado kaayo ang mga panghitabo niini nga libro. Ang mga tawo nga nakadawat sa libro kay taud-taud na pud nga mga Kristiyano. Gikan sa ubang mga butang ang magsusulat nag-ingon, kita makaingon nga naa sila sa kakuyaw sa pagkawala sa ilang kaluwasa. Dayag, nakaabut sila sa usa ka punto diin wala na nila mabati nga kinahanglan kini nga pagtubo. Adunay pud mga ebidensya nga nagpakita nga naghinay-hinay na silag balik sa bati nga mga binuhatan nila sa dili sa sila mga Kristiyano. Nagkinahanglan silag ug pahimatngon ug mao kana ang gibuhat sa magsusulat. Pag-abot niya sa kapitulo 11, gipokasan niya ang ideya sa pagtuo. Sa unang mga pahayag, atong makita nga iyang gihukagway ang pagtuo isip pagkabalo nga ang usa ka-butang tinuod bisan pa ug dili nimo kini makita. Sa bersikulo 6, gihulagway niya ang pagtuo isip kombinasyon sa duha ka-butang. Una, ingon siya nga ang pagtuo kay ang pagtuo nga anaay Diyos. Ang ikaduha nga atong nakat-onan kay ang pagtuo kay ang pagpangita sa Diyos. “Pangpangita”, nagpasbot sa pagtan-aw sa usa kabutang, ug nagkinahanglan kanang lihok! Simple lang ang ideya niini. Hatagan ug ganti sa Diyos katong nitoo ug nangita niya!

Paghuman ug hulagway sa pagtuo, ang magsusulat naghatag ug mga example gikan sa Karaang kasabotan nga adunay pagtuo! Sa kapitulo 12, gipasiugda niya ang pagpamatuod sa kinabuhi sa mga saksi nga adunay pahayag sa pagdasig. Timan-i kung giunsa ang pagdasig sa iyang magbabasa nga magtan-aw kang Jesus ingon ang "NAGTUKOD ug NAGPERPEKTO1” sa PAGTUO! Adunay daghang mga butang sa kani nga bersikulo nga dapat nato sabton kay musubay siyag balik sa atong mga nadiskubrehan sa atong mga gipangtuon!

Una, dapat nato sabton ang mga pulong nga NAGTUKOD ug NAGPERPEKTO nga iyang gigamit para ihulagway si Jesus.

Ang pulong nga NAGTUKOD o PAYUNIR2 naghisgot bahin sa usa nga nagmugna og usa ka agianan nga sundon sa uban. Mao ni ang paagi sa magsusulat sa paghulagway kang Jesus.

Sa dugang, nigamit siya sa pulong nga NAGPERPEKTO3, nga naghisgut sa usa katawo nga nakakumpleto na ug butang.

Kuyog niining duha, nagpakita sila nga si Jesus kay ang nagsugod ug ang naghuman! Ang magsusulat gigamit kining duha pulong ngadto kang Jesus kalabut sa iyang gitawag nga “ANG PAGTUO”4. Gikumpleto ni Jesus ang pagtuo para nato, pinaagi sa pagperpekto niya sa kinabuhing pagkatawo, pinaagi sa pagsakripisyo sa iyang perperkto nga dugo, ug pinaagi sa iyang pagkabanhaw ug kadaugan gikan sa kamatayon! Sa pagbuhat niining mga butanga, naghatag si Jesus ug ehemplo para sa tanan magtotoo nga musunod kaniya. Naghimo siyag agianan para sundan natong tanan. Gisultain sa magsusulat ang mga magbabasa nga ingon nga sila nakigbisog sa pag-establisar sa ilang kaugalingong pagtuo sa Diyos, dapat nila tan-awon si Jesus isip modelo nga ilang sundon. Dapat nila ikumpara ilang giagian sa kang Jesus para dili sila mugive up kung dili mamahimong maayo ang mga butang. Ang Bag-ong kasabotan naglangkob ug daghang mga pasikayran kang Jesus isip atong ehemplo. Usa niini kay Juan 13:15-17.

“15 Kay usa ka panig-ingnan ang akong gihatag kaninyo, aron nga kamo usab kinahanglan magabuhat sama sa akong gibuhat kaninyo. 16 Sa pagkatinuod, sa pagkatinuod, magaingon ako kaninyo, ang ulipon dili labaw sa iyang agalon; ni ang sinugo labaw sa nagasugo kaniya. 17 Kon kamo mahibalo niining mga butanga, dalaygon kamo kon kini inyong buhaton.”

Siguro ang pinakaimportante nga butang nga mabantayan nato bahin sa kining bersikulo kay ang kamatuoran nga si Jesus mismo ang nagpasabot sa sitwasyon. Naghatag siya ug ehemplo ug katong niangkon nga nagsunod kaniya dapat musunod gyud.

Matag karun ug unya, kitang tanan naka-agi na sa higayon nga gipabuhat og mga buluhaton nga dili ta kabalo unsaon sa pagbuhat. Tungod sa kompetisyon nga kinaiya sa kalibutan, nahibal-an nato nga masagubang nato kini nga mga hagit nga mas kanunay kaysa among nahunahuna. Kung ang usa katawo mutrabaho sa usa ka kompanya, kasagaran ang AMO musulti sa eksperyensiyado nga empleyado nga ipakita sa bag-ong empleyado “ang mga pisi”. (Buot ba pasabot niini nga ipakita sa eksperyensiyado nga empleyado ang kwarto kung asa gibutang ang mga pisi? Syempre dili.) Sa pagkadungog sa sugo, ang eksperyensiyado nga empleyado nahimong “maestro” ug ang bag-ong empleyado nahimong “estudyante”. Ang maestro dayun IPAKITA ang iyang responsibilidad para sa bag-ong empleyado. Kung nagpadagan kini usa ka piraso sa makinarya, gipatin-aw sa magtutudlo ug dayon gipadagan ang makina samtang ang estudyante nagtan-aw ug namati sa mga panudlo. Sa higayon nga ang pamaagi gipasabot ug gipakita, ang magtutudlo dayon moatras aron tugutan ang estudyante nga buhaton kini. Mao ni ang buot pasabot sa “ipakita ang mga pisi” ang kalampusan sa estudyante mudepende sa iyang abilidad ug kagustuhan nga musundog, o “SUNOD SA MGA LAKANG” sa magtutudlo.

Mao ni ang dapit kung asa muabot si Jesus sa hulagway. Muabot ang panahon nga ikaw ug ako mahatagan og opotunidad nga “muapil sa kompanya”, nga ato matawag nga "Ang Kompanya sa Diyos". Atong responsibilidad kay ang pagkat-on sa sa buluhaton sa makapahimuot sa AMO ug ang pagtabang sa pagpatabo sa kompanya, pero unsaon nato pagkat-on sa mga pisi? Aduna bay gitugyanan ang AMO para ipakita kanato ang atong mga responsibilidad? Ang tubag sa kini nga pangutana kay, “OO!” Gipadala sa Diyos si Jesus sa kalibutan para mahimong TIG-UNA sa – ATONG pagtuo! Nianhi siya para “ipakita kanato ang mga pisi!”

Ang paghunahuna sa pagsunod sa panig-ingnan ni Jesus nakapaluya sa daghang mga tawo tungod sa pagkaperpekto nga atong makita kaniya. Kung ikompara ang atong kapalpakan ug mga kahuyang, ang pagsunod ni Jesus kay murag imposible, pero pirme kita makasugat ug mga bersikulo sa Biblia nga nagsulti kanato nga kini buhaton – sundon siya! Dili nato kalimtan kung unsa atong nakat-onan. Pinaagi sa PAG-ANTOS nga nahimong perpekto si Jesus ug siya pareha ra KANATO sa tanang pamaagi!

Tan-awa kini nga butang gikan sa makataronganon nga pagtan-aw! Unsang kaayohan ang mahimo alang nako sa pagtandi sa akong kinabuhi kang Jesus kung ang iyang kinabuhi dili managsama sa akoa? Kung dili siya posible sa tawo buhaton nga musunod ni Jesus unya patas ba sa Diyos kung pabuhaton ta niya? Siyempre dili, ug ang kamatuoran nagpabilin nga ang Diyos nagsige ug sulti kanato nga buhaton kana nga butang! Busa, kinahanglan nato sabton nga ang pakigbisog ni Jesus batok sa sala ug kaluyahon sa tawo WALA GIBUHAT aron matuman ang bisan unsa para sa iyang kaugalingon. Tanan nga iyang gibuhat, iyang gibuhat para KANATO. Nagpakamatay si Jesus para kanato, pero NAGPAKABUHI PUD SIYA PARA KANATO! Siya nahimong PAREHA KANTO SA TANANG PAMAAGI – para mahatagan kita ug PERPEKTO NGA EHEMPLO kung unsay ganahan sa Diyos mahitabo sa kada kinabuhi sa usa katawo.

Tan-awon nato ang mga mosunod nga mga bersikulo nga nagasulti bahin kang Jesus nga atong panig-ingnan ug tan-awa kung unsang interisado nga mga butang nga mahimo nato madiskubre. Sa matag usa, kinahanglan nga mangita ang mga timailahan aron masabtan ang iyang kalampusan.

POSIBLE PA GAYUD KINI? MAKASUNOD BA KITA SA LAKANG NI JESUS?

Tingali adunay pipila nga pagduda sa imong huna-huna bahin niini nga butang. Pagkahuman, ayaw kalimti nga ang "relihiyon" kanunay nga nagsulti kanato nga dili kita perpekto ug walay usa kanto nga MAHIMONG perpekto. Ang relihiyon wala lamang nagsulti kanato nga kinahanglan dili nato sulayan nga magkinabuhi nga hingpit, apan kini nag-ingon nga si bisan kinsa nga nag-angkon nga mahimong perpekto mao ang mapalabawlabawon ug bakakon! Sa laing bahin, kita adunay saksi sa Biblia ug sa tawhanong kinabuhi ni Jesus nga hunahunaon. Para walay libog sa unsa ang gipangsulti, palihug paklia ug basaha ang 1 Pedro 2:21-25. Hinumdumi nga gisultihan ni Pedro ang iyang mga magbabasa nga gitawag sila sa Diyos sa pagbuhat sa usa ka butang. Iyang gipasabot nga ang Diyos gitawag iyang mgakatawhan nga musunod sa ehemplo ni Jesus nga walay sala. Sa tinuud, gisulti ni Pedro nga giluwas ni Jesus ang mga tawo aron sila mamatay sa sala ug mabuhi alang sa hustisya! Bisan unsang “relihiyon” ang musulay ug sulti kanato karon, kung ang usa ka tawo kay Kristiyano busa kailangan siya “mamatay sa sala”. Wala makasala si Jesus ug mao kana ang ehemplo ang iyang gibilin para sunodon kanato. Kung muangkon kita nga adunay pagtuo, then dapat nato kini sundon!

Kung mupadayon kita, makakita kitag pipila ka mga bersikulo nga naghisgut mahitungod aning butanga. Ang hiniusa nga mensahe mao nga ang atong baliko nga kinabuhi matul-id kung nagsunod kita sa mga lakang ni Jesus!

Filipos 2:3-11 ang atong unang bersikulo. (Palihug hatagi ug oras sa pagbasa sa maong bersikulo sugod sa bersikulo 1 sa kapitulo 2 ug tan-awa kung unsay main nga punto sa tigsulat sa pagbuhat niining paragraph.) Unsay punto ang gihimo sa tigsulat dinhi? Nag istorya siya mahitungod sa pagpa-ubos ug pagbutang sa mga panginahanglan sa laing tawo labaw sa kaugalingong panginahanglan. Sa katingala, gisultihan niya ang iyang mga magbabasa nga kinahanglan sundon nila ang panig-ingnan nga gibiyaan ni Jesus. Unya nihatag siyag mubo nga paghulagway kung giunsa pagbutang ni Jesus ang panginahanglan sa laing tawo labaw sa iyang kaugalingong panginahanglan ug gitapos kini nga gipasidunggan siya sa Diyos tungod sa iyang binuhatan.

Ang leksyon nagpakita nga ang Diyos mopasidungog ni bisan kinsa nga musunod sa ehemplo ni Jesus. Mahimo ba natong mapaabut nga mapasidungan kung kita wala parehas sa kinaiya sama ni Jesus? Makapaabut ba kita nga mapasidungan pud kita kung wala tay lihok pareha kang Jesus?

Aduna puy laing intersado nga bersikulo ang kailangan nato tan-awon mao ang Mateo 16:24-25. ( Palihug hunng ug basaha ang maong bersikulo.) Naghisgut si Jesus sa maong ideya sa mas isog nga pamaagi, basin mas isog pa sa kung unsa atong ganahan paminawon. Simple ra kaayo ang punto. Si Jesus dapat ang pinakaimportante nga butang sa kinabuhi sa usa katawo. Dili kini usa ka kahimtang diin ang dili pagsunod kang Jesus nga adunay 100% nga paningkamot moresulta sa usa ka tawo nga usa ka "daotan" nga disipulo, o usa nga "wala natuman", hinunoa, ang kamatuoran tin-aw nga gipahayag ni Jesus nga kini nga tawo kay dili giisip nga iyang disipolo sukad pa sa sinugdanan! Ang pasalig nga gipangita sa Diyos kay “tanan o wala” nga klase nga pasalig. Kini ang gipaabot sa Diyos gikan kang Jesus ug mao usab kini ang gilauman niya sa tanan natong tanan. Nabuhat kini ni Jesus isip usa katawo-pareha kanato sa tanan pamaagi-ug ang iyang kinabuhi kay usa kaehemplo kanato para atong sundon.

Palihug sa pagpakli ug pagbasa sa 1 Juan 2:3-6. Importante kini nga bersikulo tungod sa iyang panghitabo nga nagpalibot. Gisulat ang sulat sa panahon nga grabe ang kalisud ug daghan nga mga Kristiyano ang nagsugod ug biya sa orihinal nga gipangtudlo ug nagbuhat ug ilang kaugalingong nga tudlo. Grabe ang pakigbisog sa mga kmanunulat ngadto sa tigbasa nga mubalik sila sa orihinal nga ideya sa Kristiyanismo nga ilang nadawat katong una silang nahimong mga magtutuo. Sa kini nga tudlng, tan-awa kung giunsa niya paghapsay sa pondasyon para ang usa katawo MAKABALO kung sumusunod ba sila sa Diyos o dili. Gisulti niya nga ang pangsunod sa gipanulti sa Diyos nagpamatuod nga kung sila ba Kristiyano, SA PANGALAN LANG, o tinuood ba gayud nga Kristiyano. Ang tibuok ideya sa Kristiyanismo kay kinatibuk-ang makita sa katapusan sa bersikulo 6 – paglakaw SAMA SA IYANG (Jesus) paglakaw. Ang pag-ingon nga ang usa “mituo” kang Kristo nagpasabot nga siya muuyon sa pagsunod sa lakang ni Kristo. Ang dili pagsunod ni Kristo, samatang nag nag-ingon nga “kaila siya sa Diyos”, kay usa kahipokrito!

1 Corinto 11:1 naglakip ug usa ka kuyaw nga pamahayag nga gihimo ni Paul. Paminawa kung unsa iyang giingon. “Sunda ang akong ehemplo, samtang ako nagsunod sa ehemplo ni Kristo.” Dili ba kuyaw paminawon si Paul, nga usa lamang katawo, nagsugo sa mga tigbasa nga ikonsidera siya isip usa kaehemplo ni Kristo, nga kung kinsa ang atong buhing ehemplo sa perpekto nga tawo? Panagsa ra ta makadungog sa atong mga relihiyosong lider ang muhimo ug pareho nga pamahayag. Apan, dapat ba dili ta komportable nga musulti sa pareho nga pamahayag? Dili dapat KUNG nagsunod gayud kita sa ehemplo ni Jesus! Tingali mao kini ang plano sa Diyos para kanato. Tingali ganahan siya nga ang matag usa kanato mamahimong buhi nga ehemplo sa “PAGTUO” para tan-awon ug sundon sa uban tawo!

SAYON RA BA ANG MAMAHIMONG DISIPOLO NI JESUS?

Sa walay pagduha-duha, ang mga bersikulo sa babaw nagpakita sa reyalidad nga ehemplo ni Jesus sa atong kinabuhi. Sa kani nga ideya, atong makita nga ang pagkdisipolo ni Jesus kay dili mamahimong sayon UG ang kantidad sa dedikasyon nga gikinahanlan para makalahutay hapit mahisama sa usa ka "Super nga Tawo". Apan, sa dili pa kita muundang, ato sa tan-awon ang pipila ka mga punto mahitungod sa kung unsa dapat ang atong dag-anan.

Ikonsidera kini… Kadaghanan sa mga butang nga atong gihimo sa kinabuhi natun-an gikan sa "kalibutan", ug sa mga katuigan nga nahimo na silang mga lalum nga gamut sa pamatasan sa among kinabuhi. Kung ang mga tawo mamahimong disipolo ni Kristo, aduna silay mga bahin sa ilang kinabuhi nga kinahanglan mausab. Ang pagkatangtang sa sala sa atong kinabuhi kay dili malikayan nga demand nga dili mawala kung ang tawo mamahimong Kristiyano. Sa samang higayon, resonable ba ang pagdahum nga ang TANAN bati nga buluhaton mahunong sa tibuok gabii?

Palihug sa pagbasa ug konsidera ang Roma 12:1-2. Usa kini sa pinakaimportante nga bersikulo sa tibuok Biblia tungod kay nitabang ni ug pakita sa mga gilauman sa Diyos sa praktikal nga mga termino. Usa sa gitudlo niining bersikulo sa atoa kay gusto ang Diyos sa atong KINABUHI – atong tibuok nga pagkatawo! Dili siya gusto nga usa lang kaadlaw o pipila ka oras sa Dominggo, ganahan siya sa tibuok nga kita, sa tanang oras ug panahon! Giingnan kitang mamahimong “Halad nga buhi” sa Diyos. Ang bersikulo nagpadayon ug sulti nga ang maong aksyon kay ang makatarungan nga paagi nga PAGSERBISYO5 sa Diyos. Unsay buot pasabot sa “halad nga buhi” sa praktikal nga termino? Unsaon nato pag halad atong kaugalingon isip buhi nga halad? Ang bersikulo 2 naghatag ug eksplinasyon. Murag ang paghalad sa laugalingon nag buot pasabot ug PAG-USAB SA PAMAAGI IMONG PAGHUNA-HUNA mahitungog sa mga butang! Nagbuot pasabot ni sa pag-usab sa atong panghunahuna mahitungod sa atong kaugalingon ug mahitungod sa uban. Nagbuot pasabot nga sa pag-usab sa atong panghuna-huna mahitungod sa Diyos ug ilabi na sa atong panghuna-huna mahitungod ni Jesus. Apan, sili kini usa lamang sa pag-usab sa paghuna-huna sa usa katawo. Kini nga pag-usab sa panghuna-huna dapat pud musangpot sa pag-usab sa aksyon. Dapat magdala kini ug TRANSPORMASYON! Apan, ang transpormasyon nga gihulagway dinhi kay usa ka hinay-hinay nga kausaban, nga mahitabo sa mga yugto. Kini nga bersikulo kay adunay interesado nga Griyego nga pulong. METAMORPHOSIS, nga termino nga atong madunggan nga gamiton sa Biology. Nga nagrepresentar ug siklo sa kinabuhi nga naglakip ug daghan nga yugto sa kalambuan. Pananglitan, ikonsidera ang siklo sa kinabuhi sa usa ka butterfly. Ang kinabuhi sa butterfly nagsugod sa usa kaitlog, nga inig kabuak mamahimong caterpillar, nga taudtaud matulog sa cocoon, ug sa katapusan mamahimong butterfly. Ang nga una kayugto kay lahi kaayo tan-awon sa katapusan nga porma ug ang kada yugto kay adunay kanya-kanyang mga tumong ug mga babag. Ang ideya kay ang kausaban nga gilauman sa Diyos kay kanunay ug nagpadayon, ug ang katapusan nga resulta sa atong pag-usab kay lahi na tan-awon sa atong makita sa kada pagtubo nga nahitabo.

Ang maong Griyego nga pulong kay makita pud sa 2 Corinto 3:18 ug nagdunggang sa atong pagsabot sa kung unsaon ang ideya sa pag-usab pinaagi sa mga yugto makonektar sa pagka Kristiyano. Ang ideya sa METAMORPHOSIS kay gigamit diri para ihulagway ang transisyon sa usa ka Kristiyano para mamahimong pareha ni Jesus. Ang yawi sa kalampusan gihatag usab sa bersikulo – pagtan-aw ni Jesus, nga ATONG EHEMPLO! Isip usa ka ilustrasyon, paghuna-huna ug usa ka artist nga ganahan magpintal ug usa ka litrato sa usa kamatahum nga talan-awon. Unsaon man niya pagbutang ug daghan nga detalye sa iyang litrato? Tan-awon lang ba niyag kausa ang talan-awon, unya muadto sa iyang studo ug magpintal sa litrato? Dili, dili kana ang iyang buhaton. Pero, iya dad-on ang iyang mga gamit sa pagpintal ug muadto sa lugar, unya magsugod na siya ug pintal sa talan-awon. Mutan-aw siya sa talan-awon unya magdrawing ug ginagmay. Unya mutan-aw na pud siya unya magdrawing na pud. Balik – balik, ang proseso nagpadayon sa padrawing ug pagpintal nga yugto hangtud, kini mahuman. Ang proseso sa pagsunod ni Jesus kay pareha lang. Magtuon ta ug makat-on ginagmay mahitungod kaniya ug ibutang ang atong mga nakat-onan sa atong kinabuhi ug unya ang kausaban mahitabo. Unya makat-onan na pud kitag pag-ayo ug ato na pud idunggang sa atong kinabuhi ug unya aaduna na puy gamay nga kausaban ang mahitabo. Matag higayon nga mutan-aw kita ug ato idungag mausab kita ug hinay-hinay mamahimong pareha kita ni Jesus kaysa sa niagi.

Ang proseso sa atong METAMORPHOSIS, pareha sa butterfly, kay dili kini walay mga babag. Samtang nag bag-o kita, mahimo kitang lahi sa mga mata sa kalibutan. Dili pirme positibo ang reaksyon sa mga tawo sa maong kausaban. Tanang matang sa daotan mahimong muabot, ang uban tungod sa atong kausaban samtang ang uban musulay ug pahinong sa atong transpormasyon. Apan, dili kita dapat mawad-an ug dasig tungod kay apil ang pag-antos sa pagsunod sa ehemplo ni Jesus. Ayaw kalimiti nga mismong si Jesus nag-antos sa ug kadaghan sa mga pareha nga babag sa iyang pagpuyo isip tawo. Nahimo siyang perpekto pinaagi sa pag-antos!

Atong ikonsedera ang punto sa Santiago 1:2-3. Nagstorya si Santiago dinhi mahitungod sa “pagsulay sa inyong pagtuo”. Ang ideya dinhi usa sa mga pagsulay alang sa katuyoan sa pagpamatuod sa pagkatinuod o kalidad nga usa ka butang. Niingon siya nga ang pagpabiling matinumanon pinaagi sa maong sitwasyon musangpot sa pagkamainantuson.

Ang maong ideya kay gitudlo ni apostolong Pablo sa Roma 5:2-5, ug ni apostolong Pedro sa 1 Pedro 1:6-8 ug 4:12-14. (Palihug sa pagbasa sa bersikulo ug maayo.)

Kini tanan nagsulti sa mga Kristiyanong nagsagubang sa mga kalisud sa ilang pagtuo. Namatikdan ba nimo kung giunsa nila pagtudlo ang mga tigbasa nga MAHIMONG MALIPAYON? Dili ba kini usa ka lain nga pagdasig nga madungog? Magdahum ta nga makadungog ug pagdasig sama niini, “Pagmabinantayon!”, o “Magmaisugon!”? Murag dili kini posible. Apan, ang rason sa maong kalipay kay gipaklaro ug maayo sa atong pagpadayon ug basa sa mga pipila ka bersikulo. Ang mga babag muabot. Dili tungod daotan ang mga Kristiyano, pero tungod kay sila anam-anam nga nahimong pareha ni Kristo. Giabusohan siya tungod kay lahi siya sa kalibutan. Isip usa ka Kristiyano nga hinay hinay nga nalahi sa kalibutan ug nahimong pareha ni Jesus, siya kay makaatubang ug mga babag nga mas makapalisud sa metamorphosis. Ang punto nga gibalik-balik ug pakita kay simple lang. Ang pasugakod sa mga pakigbisog sa pagtuo makapahimo sa usa nga mas lig-on sa pagtuo!

Kung ang mga pakigbisog mahimong mas lisod kung ang usa ka tawo usa ka Kristiyano, busa mas dako nga determinasyon ang gikinahanglan. Apan, dili dapat nato kalimtan ang saad sa Diyos kanatong tanan, dili siya motugot nga kita makigbisog nga labaw pa sa atong makaya para mulahutay. (Hinumdumi ang 1 Corinto 10:13?) Aron nga si Jesus mabuhi nga husto, kinahanglan niya nga adunay usa ka lig-on kaayo nga pasalig ug dakong konsentrasyon mao usab ang mahitabo sa bisan kinsa nga magdesisyon nga mahimong sumusunod ni Jesus.

Palihug pangitaa ug basaha pag-ayo sa 2 Corinto 5:14-17. Kini nga bersikulo naghisgot sa daghan nga mga punto nga atong nakita karon apan nagdugang sa usa ka pipila nga mga bag-o nga makatabang kanato sa pagkab-ot sa tumong. Nganong namatay si Jesus? Para lang ba mapasaylo ang atong mga sala? Dili. Kini nga bersikulo nagsulti kanato nga si Jesus namatay para dili lang kita mabuhi para sa atong mga kaugalingon, pero para kita mabuhi para kaniya! Unsaon man nato kini pagbuhat? Nihisgut si Pablo nga ang gugma ni Kristo kay adunay impluwensya sa iyang kaugalingong kinabuhi. Ang gugma ni Kristo para kang Pablo nagdasig kaniya para muhimo sa unsay kinahanglan niyang buhaton para mahimo siya kung unsay gusto sa Diyos nga mamahimo siya. Mahimo pa gani nga atong isulti nga si Pablo nabuhi alang kang Kristo tungod kay si Kristo nabuhi alang kaniya!

Pwede pud tang maimpluwensyahan nga mubuhat ug sakto pinaagi sa EHEMPLO nga gugma nga gipakita ni Jesus pinaagi sa pagpakamatay alang kanato sa krus. Wala siya mabuhi para sa iyang kaugalingon. Kung kita nakombinsi, pareha ni Pablo, busa kini nga kombiksyon mopalihok kanato ngadto sa kausaban ug pagbag-o! Dili kini mahimong sayon, pero kung makahinumdom kita nga pirme mutan-aw ni Jesus – isip ang GAUNA ug NAGHUMAN sa ATONG PAGTUO – ug tugotan siya sa pagpanguna sa dalan, unya ang kalampusan mahimo nga makab-ot!

USA KA PANIG-INGNAN GAWAS PA KANG KRISTO

Isip usa ka katapusan nga konsiderasyon, atong susihon ang kinabuhi ni apostol Pablo. Ato ng nakita ang iyang pamahayag mahitungod sa iyang konbiksyon sa mutibasyon ni Jesus para mausab iyang kinabuhi. Aduna tay mga rekord sa daghan nga mga kausaban nga nahitabo sa kinabuhi ni Pablo naa sa Filipos 3:4-14. Adunay daghan nga mga butang diri nga angay tan-awon. Nagsugod siya isip usa ka deboto nga Hudiyo sa wala pa siya mahimong Kristiyano. Ang kusog kaayo ang iyang pagtuo sa Diyos ug ni tuo gayud siya nga nagbuhat siya sa kabubut-on sa Diyos sa diha nga iyang gilutos ang Kristiyanismo6. Sa higayon nga si paul nahimong sumusunod ni Jesus, nagsugod siya sa pagbag-o ug ang mga butang nagsugod usab sa pagbag-o alang kaniya. Sa kalit ang iyang pamilya ug mga higala wala makagusto kaniya, ug gipangita siya sa samang mga lider sa mga Hudiyo nga kaniadto "gipangita" ang mga kristiyano! Nahitabo kini tanan tungod sa iyang transpormasyon ngadto sa pagkapareha niya ni Kristo. Bantayi kung giunsa sa, bersikulo 12-14, naghisgut siya ug hinay-hinay nga kausaban nga nahitabo sa sulod kaniya nga pareha sa atong nakita sa 2 Corinto 3:18, ug kung giunsa niya pag-ingon nga wala pa siya nahimong butterfly. Bantayi pud kung giunsa niya ingon nga pagbiya sa mga sayup nga nahitabo sa kagahapon ug pagkonsentrar pa sa pagsulay ug usab KARON, nga makab-ot kanunay alang sa umaabut alang sa tumong sa pagwagtang niini nga mga problema ug sa katapusan makapahulay. Maong kana ang Kristiyanismo! Nahimo kini ni Jesus sa tumong ug mahimo usab nato!

Ang tanan nga atong buhaton mao nga ang atong mga tiil itunob ngadto sa mga tunob nga iyang gibiyaan sa diha nga iyang gipasiuna ang agianan nga atong sundon.